अभिनेते दिलीप कुमार यांनी पेशावरमधील वडिलोपार्जित घराच्या आठवणीत चाहत्यांना केली खास विनंती

दिपाली राणे-म्हात्रे, टीम ई सकाळ
Thursday, 1 October 2020

दिलीप कुमार यांचा जन्म पाकिस्तानमधील त्यांच्या हवेलीमध्ये झाला होता. आपल्या बालपणीचे दिवस आठवत अभिनेते दिलीप कुमार यांनी पाकिस्तानी चाहत्यांना एक खास विनंती केलं आहे. 

मुंबई- ज्येष्ठ अभिनेते दिलीप कुमार आणि राज कपूर यांचं पाकिस्तानमधील पेशावर मध्ये असलेलं वडिलोपार्जित घर जतन करण्याचा निर्णय पाकिस्तान सरकारने घेतला आहे. या दोन्ही कलाकारांचा जन्म पाकिस्तानमधील त्यांच्या हवेलीमध्ये झाला होता. आपल्या बालपणीचे दिवस आठवत अभिनेते दिलीप कुमार यांनी पाकिस्तानी चाहत्यांना एक खास विनंती केलं आहे. 

हे ही वाचा: सावळ्या रंगावर स्पष्टीकरण देणा-या सुहानाला ट्रोलर्स म्हणाले, 'आधी शाहरुखला सांग फेअरनेस क्रीमची जाहीरात करणं बंद कर'  

अभिनेते दिलीप कुमार यांनी त्यांच्या भावना सोशल मिडियावर व्यक्त केल्या आहेत. त्यांनी पाकिस्तानमधील त्यांच्या चाहत्यांना एक विनंती केली आहे की त्यांच्या घराचे काही फोटो काढुन पोस्ट करा आणि त्यांना टॅग करा. याव्यतिरिक्त दिलीप कुमार यांनी पाकिस्तानमधील त्यांच्या हवेलीचे काही फोटो देखील शेअर केले आहेत.

हे ही वाचा: व्हिडिओ: अभिनेत्री रेखा म्हणाली, 'प्यार का इंतजार तो है लेकिन उसका नाम लेने की इजाजत नही..'​

दिलीप कुमार यांनी आणखी एका पोस्टने सगळ्यांचं लक्ष वेधुन घेतलंय. त्यांनी एक फोटो पोस्ट केला आहे ज्यामध्ये ते त्यांच्या आवडत्या गुलाबी रंगाचं शर्ट घातलेले दिसून येत आहेत. या फोटोमध्ये दिलीप कुमार त्यांची पत्नी सायरा बानोसोबत आहेत. हा फोटो पोस्ट करत दिलीप कुमार यांनी लिहिलंय, 'गुलाबी, आवडतं शर्ट, परमेश्वराची कृपा अशी आमच्यावर सदैव असू दे.'

ज्येष्ठ अभिनेते दिलीप कुमार यांचं वडिलोपार्जित घर पाकिस्तानमधील पेशावरमध्ये आहे. याच मोठ्या हवेलीमध्ये दिलीप कुमार यांचा जन्म झाला होता आणि बालपण देखील गेलेलं. पाकिस्तानच्या पुरातत्व विभागाने सांगितलं की 'दोन्ही कलाकारांच्या बंद पडलेल्या घराचं जतन करत त्यात संग्रहायल बनवलं जाईल जिथे या कलाकारांव्यतिरिक्त आणखी एक बॉलीवूड अभिनेता शाहरुख खानशी संबंधित काही वस्तु देखील जतन केली जाईल. पुरातत्व आणि संग्रहायल विभागाचे निर्देशक डॉक्टर अब्दुल समद यांनी पेशावरच्या आयुक्तांना पत्र पाठवलं आहे ज्यामध्ये म्हटलंय की विभाग या स्थळांना जतन करण्याची घोषणा करु इच्छित आहे.'  

dilip kumar requests fans in peshawar share pictures of my ancestral house  
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: dilip kumar requests fans in peshawar share pictures of my ancestral house