Dunki Box Office : 'डंकी'च्या रस्त्यात 'सालार' नावाचं वादळ! तिसऱ्या दिवशी कमाईचा आकडा किती?

Dunki Box Office Collection Day 3: बॉलिवूडचा किंग शाहरुख खान हा गेल्या काही दिवसांपासून त्याच्या डंकी या चित्रपटामुळे चर्चेत आहे. 'पठाण' आणि 'जवान' सारखे ब्लॉकबस्टर चित्रपट दिल्यानंतर चाहत्यांना डंकी सिनेमाकडून खुप अपेक्षा होत्या. मात्र वर्षाच्या अखेरीस रिलिज झालेल्या या सिनेमाला प्रेक्षकांचे खास प्रेम मिळालेले नाही.

शाहरुखच्या डंकी या चित्रपटाला प्रेक्षकांचा संमिश्र प्रतिसाद मिळाला. 'डंकी'चे आत्तापर्यंतच्या कलेक्शनचे आकडे खुपच कमी आहे. त्यामुळे आता पाहिल्यानंतर राजकुमार हिरानी दिग्दर्शित डंकी हा चित्रपट जवान-पठाणचा विक्रम मोडू शकणार नाही असं वाटत आहे.

आता चित्रपटाच्या तिसऱ्या दिवसाच्या कमाईचे आकडे समोर आले आहेत. Sacknilk च्या रिपोर्टनुसार, चित्रपटाने पहिल्या दिवशी 29.2 कोटी रुपयांची कमाई केली आहे.

चित्रपटाने पहिल्या दिवशी 29 कोटी तर दुसऱ्या दिवशी 20 कोटींची कमाई केली होती. यासह 'डंकी'चे तीन दिवसांचे एकूण कलेक्शन आता 75.32 कोटींवर पोहोचले आहे.

शाहरुख खान, विकी कौशल, तापसी पन्नू आणि बोमन इराणी स्टारर 'डंकी' या चित्रपटाला प्रेक्षकांचा संमिश्र प्रतिसाद मिळत आहे.

प्रभासच्या 'सालार' चित्रपटाचा परिणाम शाहरुख खानच्या 'डंकी' या चित्रपटाच्या बॉक्स ऑफिस कलेक्शनवर झाल्याचे दिसत आहे. प्रभासचा सालार 22 डिसेंबरला प्रदर्शित होत आहे. तर सालारने दोन दिवसातच शंभर कोटींचा टप्पा पार केला आहे. त्यामुळे आता शाहरुख खानचा डंकी किती कोटींचा गल्ला जमवू शकतो याकडे सर्वांचे लक्ष लागले आहे.