Ekda Yeun Tar Bagha: मराठमोळ्या कॉमेडीचा तडका, प्रसाद खांडेकरच्या 'एकदा येऊन तर बघा' सिनेमाची घोषणा

Ekda Yeun Tar Bagha News: काही महिन्यांपूर्वी एकदा येऊन तर बघा या आगामी सिनेमाची घोषणा झाली. हास्यजत्रा फेम प्रसाद खांडेकर या सिनेमाच्या माध्यमातुन पहिल्यांदा दिग्दर्शनाची धुरा सांभाळणार आहे, अशी चर्चा झाली.

आता प्रसाद खांडेकरच्या आगामी एकदा येऊन तर बघा सिनेमाची घोषणा झालीय. या सिनेमात एकसे बडकर एक तगडे कॉमेडी कलाकार झळकणार आहेत.

प्रसाद खांडेकरच्या आगामी सिनेमाची घोषणा

प्रसाद खांडेकर आणि सिनेमातल्या इतर सर्व कलाकारांनी एकदा येऊन तर बघा सिनेमाचं टायटल पोस्टर शेअर केलंय. हे पोस्टर शेअर करताना कॅप्शनमध्ये, "लेखक दिग्दर्शक म्हणून माझा पहिला सिनेमा. "एकदा येऊन तर बघा". रिटर्न जाणार नाही"

पुढे सांगण्यात आलंय की, "GRAND OPENING !! अस्सल मराठमोळ्या कॉमेडीचा तडका मारलेली, लहान-मोठे सगळयांना पोट भरून हसवणारी, मनोरंजनाची हमखास गॅरंटी असलेली भरपेट मेजवानी; 'एकदा येऊन तर बघा' रिटर्न जाणार नाही !"

दिग्गज कलाकारांची फौज

एकदा येऊन तर बघा सिनेमात दिग्गज कलाकारांची फौज आहे. सयाजी शिंदे, गिरीश कुलकर्णी, नम्रता संभेराव, विशाखा सुभेदार, ओंकार भोजने, भाऊ कदम, वनिता खरात, रोहित माने असे कलाकार आहेत.

या सिनेमाचं लेखन - दिग्दर्शन प्रसादने केलं असुन स्वतः प्रसाद खांडेकर सुद्धा सिनेमात भुमिका साकारणार आहे.