Hera Pheri 3 : अखेर अक्षय कुमारने दिला होकार.. हेरा फेरी ३ लवकरच येणार... सर्वांना आनंद

Hera Pheri 3 News: बाबूभैय्या, राजू आणि श्याम यांचा हेरा फेरी कोणी पाहिला नाही असा माणूस सापडणं कठीण आहे. लहानांपासून ते अगदी वयस्क माणसांपर्यंत सर्वांना हेराफेरी प्रचंड आवडतो.

हेरा फेरी आणि हेरा फेरी २ या दोन्ही भागांचे प्रचंड चाहते आहेत. हेरा फेरीचे कॉमेडी व्हिडिओज, मिम्स सोशल मीडियावर प्रचंड व्हायरल होत असतात. आता हेरा फेरी ३ चा मार्गही मोकळा झालाय.

हेरा फेरी 3 साठी आणि राजू, श्याम आणि बाबूराव हे मूळ त्रिकूट पुन्हा येण्याची शक्यता आहे. हेरा फेरी ३ मध्ये अक्षय कुमार नसणार हे निश्चित झालेलं.

पण अभिनेता अक्षय कुमारने नुकतीच मुंबईत सुनील शेट्टी, परेश रावल आणि निर्माते फिरोज नाडियादवाला यांची भेट घेऊन हेरा फेरी ३ विषयी चर्चा केली.

अक्षयने गेल्या वर्षी सर्वांसमोर जाहीर केले होते की काही क्रिएटिव्ह फरकांमुळे तो हेरा फेरी ३ चा भाग नसणार आहे.

अक्षय हेरा फेरी 3 मधून बाहेर पडल्यानंतर कार्तिक आर्यन त्याची जागी असा दावा केला जात होता. पण हेरा फेरी ३ च्या फॅन्ससाठी मोठी खुशखबर आहे ती म्हणजे अक्षय कुमार हेरा फेरी ३ मध्ये येतोय.

त्यामुळे अक्षय कुमार, परेश रावल आणि सुनील शेट्टी हेरा फेरी ३ निमित्ताने पुन्हा एकत्र बघायला बघायला मिळणार आहे

शनिवारी अक्षय कुमार, सुनील शेट्टी, परेश रावल आणि फिरोज नाडियादवाला यांची मुंबईतील एम्पायर स्टुडिओमध्ये दीर्घ बैठक झाली. हेरा फेरीची मूळ टीम एकत्र येण्याची ही पहिलीच वेळ आहे.

या तिघांना एकत्र पाहून एम्पायर स्टुडिओमधील संपूर्ण कर्मचारी भावूक झाले आणि त्यांनी आपला उत्साह साजरा केला. एम्पायर स्टुडिओत मूळ हेरा फेरीचे शूटिंग झाले होते.

अक्षय कमबॅक करणार यावर शिक्कामोर्तब झाला असला तरीही काही गोष्टी सकारात्मक दिसत आहेत. “सर्व काही सुरळीत झाल्यावर, हेरा फेरी ३ विषयी अधिकृत घोषणा केली जाईल.

निर्माते हेरा फेरी ३ साठी अक्षय, सुनील आणि परेश यांना एकत्र आणण्यासाठी खूप प्रयत्न करत आहेत. सर्व काही सुरळीत झालं तर लवकरच हेरा फेरी ३ चं शूटिंग सुरु होईल आणि २०२४ ला हेरा फेरी ३ प्रेक्षकांच्या भेटीला येईल.