पायल रोहतगीविरोधात पुण्यात गुन्हा दाखल

जाणून घ्या, नेमकं काय आहे प्रकरण?
actress payal rohatagi
actress payal rohatagi Team esakal

नेहरू-गांधी कुटुंबाविषयी सोशल मीडिया प्लॅटफॉर्मवर कथित बदनामीकारक व्हिडिओ पोस्ट केल्याबद्दल अभिनेत्री पायल रोहतगीविरोधात Payal Rohatgi पुण्यात Pune एफआयआर दाखल करण्यात आली आहे. पुणे नगर काँग्रेस कमिटीच्या पदाधिकाऱ्यांनी या संदर्भात शिवाजी नगर पोलीस ठाण्यात तक्रार दाखल केली होती. 36 वर्षीय पायलवर याआधीही देशातील विविध पोलीस ठाण्यात गुन्हा दाखल करण्यात आला आहे. खटला दाखल झाल्यानंतर पायलला कारवाईलाही सामोरे जावे लागले आहे.

पुणे शहर काँग्रेसचे प्रवक्ते रमेश अय्यर म्हणाले, “पायल रोहतगी यांनी नेहरू-गांधी कुटुंबाबद्दल वारंवार अपमानास्पद टिप्पणी केल्या आहेत. अशीच एक अलीकडे केलेली पोस्ट आमच्या निदर्शनास आली आहे. त्यानंतर रमेश बागवे, मोहन जोशी, दत्ता बहिरत, संगीता तिवारी, मी आणि पुणे शहर काँग्रेस कमिटीच्या पदाधिकाऱ्यांनी मिळून सायबर क्राइम सेलच्या वरिष्ठ पोलिस अधिकाऱ्यांची भेट घेतली. या प्रकरणी औपचारिक तक्रार संगीत तिवारी यांनी दाखल केली होती. पोलिसांनी त्यावर कारवाई केली असून शिवाजी नगर पोलीस ठाण्यात गुन्हा दाखल करण्यात आला आहे."

actress payal rohatagi
KBC 13: सात कोटी रुपयांच्या 'जॅकपॉट' प्रश्नाचं उत्तर तुम्ही देऊ शकता का?

पुणे शहर पोलीस आयुक्त अमिताभ गुप्ता यांनी पायलविरोधात एफआयआर दाखल केल्याच्या वृत्ताला दुजोरा दिला आहे. पायल रोहतगी यांच्याविरोधात एफआयआर दाखल करण्यात आला असून चौकशी सुरू आहे, अशी माहिती पोलीस अधिकाऱ्यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com