Har Har Mahadev: जितेंद्र आव्हाडांना दिग्दर्शकांचं जशास तसं उत्तर, 'मग आम्हाला...'

Har Har Mahadev marathi movie director: हर हर महादेव या चित्रपटावरुन सध्या मोठ्या प्रमाणावर वाद सुरु झाला आहे. या चित्रपटाचे शो बंद पाडले जात आहे, यासगळ्या प्रकरणावर या चित्रपटाचे दिग्दर्शक अभिजित देशपांडे यांनी पत्रकार परिषद घेऊन वेगवेगळ्या गोष्टींवर प्रतिक्रिया दिली आहे.

देशपांडे म्हणाले, काल जो प्रकार घडला तो लाच्छंनास्पद आहे. मी या प्रकरणाचा निषेध करतो. आपण जर स्वताला शिवरायांचे भक्त म्हणवतो तर आपण त्यांनी दिलेल्या शिकवणूकीनुसार वागले आहे. जे आक्षेप घेत आहेत त्या गोष्टींवरुन ऐतिहासिक पुरावे आम्ही सेन्सॉर बोर्डाला दिले आहेत. त्यांना दाखवले आहे. त्या सगळ्या गोष्टींवर पुरावे दिले आहेत. कागदपत्रं दिली आहेत. म्हणून तर त्यांनी सर्टिफिकेट दिले आहे.

हेही वाचा: कर्ज परतफेडीच्या नियोजनाचे पाच मार्ग...

जे बोललं जातंय ते चुकीचे आहे. आम्हाला देखील सेन्सॉर बोर्डानं काही गोष्टी विचारले गेले. आपण जेव्हा बखरींचा अभ्यास करतो तेव्हा अनेक गोष्टी समोर येतात. १९०५ मध्ये केळुस्करांच्या एका पुस्तकामध्ये काही गोष्टींचा उल्लेख केला आहे. याचा संदर्भ अभिजित देशपांडे यांनी केला. असेच पुरावे आम्ही दिले आहे.

शिवाजी महाराजांनी अठरापगड जातीच्या लोकांना एकत्र आणले होते. माणुसकीचा संदेश दिला होता. तेव्हा त्यांचे विचार बाजुला राहिले आणि आता त्यावरुन राजकारण केले जात आहे. जो प्रकार सध्या होतो आहे त्यावरुन वाईट वाटते. तुम्ही खरचं चित्रपट पहा. पण या चित्रपटामध्ये आक्षेप घेण्यासारखे नाही. असेही देशपांडे यांनी यावेळी सांगितले.