Ira Khan-Nupur Wedding: आमिरचा बंगला नववधूसारखा सजला! लेकीच्या लग्नाची जय्यत तयारी; आज रंगणार मेंहदी समारंभ

Ira Khan-Nupur Shikhare Wedding: सध्या बॉलिवूड अभिनेता आमिर खान हा त्याची लेक इरा खानच्या लग्नाच्या बातम्यांमुळे चर्चेत आहे. लवकरच इरा खान तिचा बॉयफ्रेंड नुपूर शिखरेसोबत लग्नगाठ बांधणार आहे. दोघांच्या लग्नाची तयारी सुरु झाली आहे. इरा अन् नुपूरच्या केळवणाचे फोटोदेखील सोशल मिडियावर व्हायरल होत आहे.

अगदी मराठमोळ्या पद्धतीने दोघांचे केळवण पार पडले. आता दोघांच्या लग्नाच्या तयारीला वेग आला असून आमिरचे घर देखील नववधू सारखे सजले आहे. मीडिया रिपोर्ट्सनुसार, इरा आणि नुपूरच्या 3 जानेवारी 2024 रोजी लग्नबंधनात अडकणार आहेत. यानुसार आज इरा आणि नुपूरच्या हातावर मेंहदी रंगणार आहे.

पापाराझी पेज विरल भयानीने इरा खानच्या लग्नाच्या ठिकाणाचा व्हिडिओ शेअर केला आहे. या व्हिडिओमध्ये दिसतेय इरा अन् नुपुर ज्या ठिकाणी लग्न बंधनात अडकणार आहेत ते ठिकाण दिवे आणि रोषणाईने न्हाऊन निघाले आहे. हा व्हिडिओ शेयर करत त्यांनी कॅप्शनमध्ये लिहिले आहे की, "हे इराच्या लग्नाचे ठिकाण आहे आणि आज आमिर खानच्या मुलीचे लग्न आहे."

दोघेही महाराष्ट्रीयन पद्धतीने लग्न करणार आहेत. वधू इरा खानचे वडील आमिर खान यांनी त्यांचे मुंबईतील घर सजवले आहे. सोशल मीडियावर सध्या हा व्हिडिओ व्हायरल होत आहे.

आमिर खानची मुलगी इरा खान 3 जानेवारी 2024 रोजी तिचा बॉयफ्रेंड आणि फिटनेस ट्रेनर नुपूर शिखरेसोबत लग्नाच्या बेडीत अडकणार आहे.

आमिरने सांगितले की तिने 3 जानेवारी ही तिच्या लग्नाची तारीख म्हणून निवडली कारण ती या तारखेला ती नुपूरसोबत पहिल्यांदा डेटवर गेली होती. इरा आणि नुपूर 2020 पासून एकमेकांना डेट करत आहेत.

तर मिडिया रिपोर्टनुसार, लग्नानंतर हे कपल 10 जानेवारीला मुंबईत ग्रँड रिसेप्शन देणार आहे. या रिसेप्शनला चित्रपट जगतातील अनेक दिग्गज व्यक्ती येणार असल्याचे बोलले जात आहे.