Jakkal Web Serise : पुण्यातील जोशी-अभ्यंकर हत्याकांडावर 'जक्कल' वेबसीरिज

Marathi Web Series Jakkal : साधारण १९७० च्या काळात ज्या हत्याकांडानं पुणे हादरुन गेलं होतं. त्या जोशी अभ्यंकर प्रकरणावर आता मराठी मनोरंजन विश्वातून मोठी बातमी समोर आली आहे. या हत्याकांडावर वेबसीरिजची निर्मिती केली जाणार असल्याचे सांगण्यात येत आहे. पुण्यातील या सीरियल मर्डर केसवर आधारित प्रकरणावर नेहमीच वेगवेगळ्या अँगलनं चर्चा होत असते.

जक्कल या नावानं मराठीतून वेबसीरिजची निर्मिती केली जाणार असल्याची माहिती सुत्रांनी दिली आहे. मात्र या मालिकेसाठी आणखी काही थांबावे लागणार आहे. एका मध्यमवर्गीय कुटूंबातील चार मुलांनी जे निर्घृण कृत्य केले होती त्याची साऱ्या पुणे शहरानं धास्ती घेतली होती. मिळालेल्या माहितीनुसार, २ सप्टेंबर २०२३ दरम्यान ही मालिका प्रसिद्ध होणार असून अद्याप त्यावर रिसर्च सुरु आहे. जिओ स्टुडिओ, शिवम यादव आणि ए कल्चर कॅनव्हास एंटरटेनमेंट प्रॉडक्शनच्यावतीनं या मालिकेची निर्मिती केली जाणार आहे.

Also Read - नेट बँकिंग सुविधा वापरताय? मग हे नक्कीच वाचा...

गेल्या चार वर्षांपासून या मालिकेवर काम सुरु आहे. बॉलीवूडमध्ये यापूर्वी प्रसिद्ध दिग्दर्शक अनुराग कश्यपनं त्याच्या पॉच नावाच्या चित्रपटातून या घटनेवर प्रकाशझोत टाकण्याचा प्रयत्न केला होता. मात्र तो चित्रपट प्रेक्षकांच्या पसंतीस पडला नव्हता. तो चित्रपट त्यातील वादग्रस्त कंटेट मुळे प्रसिद्ध होऊ शकला नव्हता. त्यामध्ये के के मेनन, तेजस्विनी कोल्हापूरे, आदित्य श्रीवास्तव, विजय मौर्य, जॉय फर्नाडिस यांच्या भूमिका होत्या. जोशी अभ्यंकर खटल्यातील त्या दोषींना २७ नोव्हेंबर १९८३ मध्ये फाशी देण्यात आली होती.