Kartik Aaryan Car : 'शहजादा असशील घरी, दंड भर गाडी घेऊन जा!' कार्तिकवर कारवाई

Kartik Aaryan Car : बॉलीवूडचा प्रसिद्ध अभिनेता कार्तिक आर्यन हा त्याच्या हटके स्टाईल आणि स्वॅगसाठी ओळखला जाणारा अभिनेता आहे. आता सध्या तो त्याच्या शहजाहा चित्रपटामुळे चर्चेत आला आहे. प्रेक्षकांनी मोठ्या संख्येनं त्याचा चित्रपट पाहायला जावं यासाठी कार्तिक प्रमोशनमध्ये व्यस्त असल्याचे दिसून आले आहे.

यासगळ्यात कार्तिक मुंबईतील सिद्धिविनायकचे दर्शन घेण्यासाठी गेला होता. मात्र तिथं त्यानं त्याची कार नो पार्किंगमध्ये पार्क केल्यानं त्याला मोठा झटका बसल्याचे दिसून आले आहे. त्यानंतर त्याला वाहतूक पोलिसांच्या कारवाईला सामोरं जावं लागलं आहे. त्याची सोशल मीडियावर चर्चाही सुरु झाली आहे. नेटकऱ्यांनी देखील त्याला दिलेल्या कमेंट्स भन्नाट आहे.

Also Read - स्टाॅक मार्केटमधलं ट्रेडर बनायचंय..मग ही पथ्यं पाळाच...

मंदिरात पोहचल्यानंतर कार्तिकनं नो पार्किंग झोनमध्ये कार उभी केली होती.त्यामुळे वाहतूकीस अडथळा होत असल्याचे दिसून आले. यानंतर वाहतूक पोलिसांच्या वतीनं त्याच्यावर कारवाईही करण्यात आली. आता वाहतूक पोलिसांकडून दंड ठोठावण्यात आला आहे. कारवाई करेपर्यत पोलिसांना माहिती नव्हते की ते वाहन कार्तिक आर्यनचे होते. कार्तिकच्या त्या अलिशान कारवर दंड ठोठावण्यात आला आहे.

खरंतर कार्तिक आर्यन नव्हे तर त्याचा चालक कार चालवत होता. त्यानं ती कार नो पार्किंगमध्ये पार्क केल्याचे दिसून आले. कार्तिकचे काही फोटोही यावेळी सोशल मीडियावर व्हायरल झाले असून त्यावरील नेटकऱ्यांच्या भन्नाट प्रतिक्रिया समोर आल्या आहेत. त्यापैकी एकानं तर तू असशील शहजादा.पण आता पैसे भर असे नेटकऱ्यांनी म्हटले आहे.