कार्तिकच्या 'भूलभूलैय्या 2' ला लागलं ग्रहण; सोशल मीडियावर सिनेमाला विरोध Kartik Aaryan | Sakal
sakal

बोलून बातमी शोधा

Kartik Aaryan's 'Bhool Bhulaiyaa 2' Slammed on Social Media

कार्तिकच्या 'भूलभूलैय्या 2' ला लागलं ग्रहण; सोशल मीडियावर सिनेमाला विरोध

कार्तिक आर्यन(Kartik Aaryan) आणि कियारा अडवाणीचा(Kiara Advani) सिनेमा 'भूलभूलैय्या २'(Bhool Bhulaiyaa) बॉक्सऑफिसवर जोरदार कमाई करत आहे. ६ दिवसांत जिथे या सिनेमानं ८३ करोड कमावले आहेत तिथे दुसरीकडे हा सिनेमा वादात फसताना दिसत आहे. २००७ मध्ये आलेल्या 'भूलभूलैय्या' सिनेमाच्या सीक्वेलमध्ये मुलांमधील लठ्ठपणावर खालच्या दर्जाचे हास्य-विनोद केल्याचा आरोप होत आहे. सोशल मीडियावर(Social Media) अनीस बझ्मीच्या दिग्दर्शना अंतर्गत बनलेल्या या सिनेमावर आता ट्रोलर्सनी निशाणा साधला आहे.(Kartik Aaryan's 'Bhool Bhulaiyaa 2' Slammed on Social Media)

हेही वाचा: Photo: करण जोहरच्या पन्नासाव्या वाढदिवसाची पार्टी; फोटो पाहिलेत का?

'रेडिट'वर एका नेटकऱ्यानं 'भूलभूलैय्या २' संदर्भात एक पोस्ट केली आहे. यामध्ये त्यानं म्हटलंय की,''हा सिनेमा विनोदाच्या नावावर लहान मुलांमधील लठ्ठपणावर टीका करीत आहे. फॅट शेमिंगवर भाष्य करतोय हा सिनेमा. सिनेमात एक मुलगा आहे,ज्याच्या जाड शरीराची कितीतरी वेळा सिनेमात खिल्ली उडवली गेली आहे''. तर दुसऱ्या एका नेटकऱ्याने लिहिलं आहे की,''भूलभूलैय्या २ मधील एका मुलाच्या शरीराच्या वाढलेल्या आकाराची मस्करी करण्यावर तसंच फॅटफोबियावर कोणाला काही बोलायचं नाही का? यावेळी एका मुलाला बॉडीशेमिंग वरनं हिणवलं जात आहे''. पुढे याच नेटकऱ्यानं आणखी विषयाला ताणत लिहिलं आहे की,'आपल्याला वाटतं की पुरुषांना बॉडी फॅटचे इश्यूज नसतात'.

हेही वाचा: शाहरुख-अजयला कुणी पाठवली 5-5 रुपयाची मनी ऑर्डर? कारणही ऐकाल तर व्हाल थक्क

पण यामध्ये इंट्रेस्टिंग गोष्ट ही आहे की,सिनेमाविषयी उलटसुलट बोलणाऱ्या त्या नेटकऱ्याला एका दुसऱ्या नेटकऱ्यानं सिनेमाची बाजू मांडत चांगलंच सुनावलं आहे. सिनेमाला पाठिंबा देताना तो नेटकरी म्हणाला आहे,'हे प्रत्येकाच्या विचार करण्याच्या प्रवृत्तीवर अवलंबून आहे. सिनेमातील ती गोष्ट फक्त विनोद म्हणून पाहिली तर तो विनोद आहे आणि उगाचच फॅट शेमिंगशी जोडली तर तो वाद आहे'. एका दुसऱ्या नेटकऱ्यानं यावर लिहिलं आहे की,'मी जेव्हा सिनेमा थिएटरमध्ये पाहत होतो,तेव्हा लोकं त्या मुलाच्या सीनवर हसत होते,सिनेमाचा आनंद घेत होते. जे खरंतर सिनेमा कडून अपेक्षित असतं. इथे फॅट शेमिंगसारखं काहीच नाही'.

हेही वाचा: शहनाझ गिल नाराज; सलमानचा 'कभी ईद,कभी दिवाली' सिनेमा सोडण्याचा निर्णय?

'भूलभूलैय्या २' मध्ये कार्तिक आर्यन आणि कियारा अडवाणी व्यतिरिक्त तब्बू आणि राजपाल यादव देखील आहेत. २० मे रोजी सिनेमागृहात हा सिनेमा प्रदर्शित झाला. सिनेमा लवकरच १०० करोडच्या क्लबमध्ये दाखल होईल. बोललं जात आहे की येत्या रविवार पर्यंत हा सिनेमा १०० करोडची कमाई करेल.

Web Title: Kartik Aaryans Bhool Bhulaiyaa 2 Slammed On Social

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top