Katrina Kaif: ...म्हणून कतरिनाने स्वतःला मीडियापासून केले दूर, जाणून घ्या नेमकं कारण

बॉलिवूड अभिनेत्री कतरिना कैफ बऱ्याच दिवसांपासून पडद्यावर दिसलेली नाही. ही अभिनेत्री शेवटची 'फोन भूत' चित्रपटात दिसली होती. यासोबतच कतरिनाने लग्नानंतर सार्वजनिक ठिकाणी येणे कमी केले आहे, त्यामुळे तिचे चाहते सोशल मीडियावर अनेक प्रश्न विचारत आहेत.

अभिनेत्री अलीकडेच ईदच्या मुहूर्तावर आयुष शर्मा आणि अर्पिता खानच्या घरी दिसली होती, त्यानंतर तिच्या प्रेग्नेंसीच्या अफवा पसरू लागल्या. यासोबतच असे म्हटले जात होते की, प्रेग्नेंसीमुळे अभिनेत्रीने सार्वजनिक ठिकाणी येणं कमी केलं आहे.

खरं तर, कतरिनाने प्रेग्नेंसी किंवा वैयक्तिक आयुष्यामुळे नव्हे तर तिच्या प्रोफेशनल लाइफमुळे सार्वजनिक ठिकाणी जाणे कमी केले आहे. होय, एका मीडिया रिपोर्टनुसार, अभिनेत्री तिचा आगामी चित्रपट 'टायगर 3' मध्ये खूप व्यस्त आहे. या चित्रपटात अभिनेत्री पुन्हा एकदा सलमान खानसोबत स्क्रीन शेअर करताना दिसणार आहे.

चित्रपटामुळे, कतरिनाने सार्वजनिक ठिकाणावर जाणे बंद केलं आहे. जेणेकरून प्रेक्षकांना थिएटरमध्ये तिच्या भूमिकेबद्दल उत्सुकता राहील. अभिनेत्री 'टायगर 3' साठी खूप मेहनत घेत आहे जेणेकरून ती तिच्या चाहत्यांना आश्चर्यचकित करू शकेल. कतरिना शेवटची 'फोन भूत' चित्रपटात दिसली होती. मात्र, बॉक्स ऑफिसवर हा चित्रपट प्रेक्षकांना प्रभावित करण्यात अपयशी ठरला.

'पठाण' नंतर शाहरुख खान आणि सलमान खान पुन्हा एकदा 'टायगर 3' मध्ये दिसणार आहेत. किंग खान 8 मे रोजी 'टायगर-3'च्या टीममध्ये या चित्रपटाच्या शूटिंगसाठी सामील होऊ शकतो. शाहरुख आणि सलमानचे चाहते त्यांच्या चित्रपटाची आतुरतेने वाट पाहत आहेत.