Kiran Mane: बिग बॉसनंतर किरण माने पुन्हा मालिकेत झळकणार, पोस्ट करून शेयर केली माहिती

Kiran Mane New Serial News: बिग बॉस मराठी नंतर अभिनेते किरण माने सातत्याने काहीना काही पोस्ट करत चर्चेत असतात.

किरण मानेंच्या पोस्ट हा सर्वांच्या चर्चेचा विषय असतो. किरण माने यांचं सोशल मीडियावर प्रचंड फॅन फॉलोईंग आहे.

अलीकडेच त्यांनी त्र्यंबकेश्वर मंदिर प्रवेश प्रकरणावर मुस्लिम समाजाला होणाऱ्या विरोधावरुन सडकून टीका केली. आता किरण माने यांनी नवीन पोस्ट करून नवीन मालिकेविषयी संकेत दिलाय.

किरण माने यांनी नवीन मालिकेच्या सेटवरचे फोटो पोस्ट केले आहेत. हे फोटो पोस्ट करून किरण माने लिहितात.. ..नविन मालिका, नवी भुमिका !

सहसा माझ्या वयाच्या पुरूष कलावंतांना मालिकांमध्ये फारसं काही वेगळं करायला मिळत नाही. मालिका या हिराॅईनभोवती फिरणार्‍या असतात.

अशा परिस्थितीतही मला आश्चर्यकारकरित्या लक्षवेधी कॅरॅक्टर्स साकारायला मिळाली, जी प्रेक्षकांना प्रचंड आवडली.

किरण माने पुढे लिहितात... 'माझ्या नवर्‍याची बायको'मधला राधिकाच्या पाठीशी खंबीरपणे उभा रहाणारा भाऊ शिरीषदादा... 'मुलगी झाली हो' मधला तुफान गाजलेला रांगडा, हळवा, 'ॲंग्री यंग मॅन' विलास पाटील...

हे परस्परविरोधी धाटणीचे दमदार रोल्स करायला मिळणं हे माझ्यामधल्या अभिनेत्याला सुखावणारं होतं. विशेष म्हणजे दोन्ही मालिकांनी टी.आर.पी. चे रेकाॅर्डब्रेक उच्चांक गाठले होते !

किरण माने शेवटी लिहितात ...आता मी छोट्या पडद्यावर आत्तापर्यन्त साकारलेल्या भुमिकांपेक्षा खूप वेगळा माणूस साकारतोय. तुम्ही याआधी मला अशा रोलमध्ये कधी इमॅजिनही केलं नसेल !

शुटिंगला नुकतीच सुरूवात झालीय. खूप मजा येतीये. कुठल्या वाहिनीवर,कधीपासून आणि किती वाजता याबद्दल लवकरच कळवेन... तोपर्यन्त Stay Tunned !

सातारचा बच्चन म्हणून प्रसिद्ध असलेले अभिनेते किरण माने सोशल मीडियावर प्रचंड सक्रिय असतात. सातत्याने ते काहीना काही पोस्ट करत असतात.

मनोरंजन विश्वातील घडामोडी असो किंवा राजकीय हालचाली.. जे जे खटकेल त्यावर निर्भीडपणे टीका करणारा आणि पटेल त्याचे तोंड भरून कौतुक करणारा अभिनेता म्हणजे किरण माने अशी त्यांची ओळख आहे.