Kriti Sanon: थॅक्यू बाप्पा! राष्ट्रीय पुरस्कार मिळाल्यानंतर क्रिती सहकुटुंब सहपरिवार सिद्धिविनायक मंदिरात...

Kriti Sanon Visits Siddhivinayak Temple With Family: बॉलिवूड अभिनेत्री क्रिती सेनन सध्या खुप चर्चेत आहे. तिला 'मिमी' या चित्रपटासाठी सर्वोत्कृष्ट अभिनेत्रीचा पुरस्कार देण्याची घोषणा करण्यात आली आहे.

या पुरस्काराची घोषणा होताच क्रितीने सोशल मीडियावर आनंद व्यक्त केला आहे. राष्ट्रीय पुरस्कार ज्युरी सदस्यांचे आभार मानत सिनेमाच्या टिमचेही आभार मानले होते.

राष्ट्रीय पुरस्कार मिळवणं ही काही साधी गोष्ट नाही. क्रितीसाठी हा खूप मोठा क्षण होता. राष्ट्रीय पुरस्कार जिंकल्यानंतर आता क्रिती सेननने शनिवारी सकाळी मुंबईतील सिद्धिविनायक मंदिरात बाप्पाचे दर्शन घेतले.

क्रिती तिच्या कुटुंबासह सिद्धिविनायक मंदिरात पोहोचली. यावेळी तिची बहीण, आई आणि वडिलांसोबत मंदिरात जाताना दिसली. एका व्हिडिओमध्ये क्रिती पिवळ्या रंगाचा सूटमध्ये दिसत आहे. देवाचा आशीर्वाद घेतल्यानंतर तिने पापाराझींना प्रसादही वाटला. तिचे अनेक व्हिडिओ सध्या सोशल मीडियावर व्हायरल होत आहे.

नुकत्याच दिलेल्या एका मुलाखतीत क्रितीने सांगितलं की, जेव्हा तिने पुरस्कार मिळवला तेव्हा ती एका मिटींगमध्ये होता. मीटिंगमध्ये तिचा फोन वाजत होता. ती मीटिंगमधुन बाहेर पडली त्यानंतर तिला ती पुरस्कार जिंकल्याचं कळालं. त्यावेळी ती खुपच भावुक झाली होती. तिने मीटिंग थांबवली आणि तिच्या कुटूंबाला भेटण्यासाठी गेली. ज्याचे स्वप्न तिने पाहिले होते आणि ज्यासाठी तिने मेहनत घेतली ते सत्यात उतरल्यानंतर ती खुपच आनंदित झाली.

तिने सोशल मीडियावर पोस्ट शेयर करत तिच्या कुटुंबाचे आभार मानले. त्याबरोबर तिने आलिया भट्टचेही अभिनंदन केले. क्रितीने लिहिले, 'आई, बाबा आणि नुपुर, तुम्ही लोक माझी लाईफलाइन आहात! नेहमी माझ्या चीअरलीडर्स असल्याबद्दल धन्यवाद..! आलियाचे अभिनंदन! मला तुमच्यासोबत हा मोठा क्षण शेअर करायला मिळाला!'