Pathaan: आता दिपिकाच्या भगव्या बिकिनीचा वाद थेट पैगंबरांपर्यंत...

सध्या सोशल मिडियावर एकचं विषयाची चर्चा रंगली आहे. ती म्हणजे शाहरुख अन् दिपिकाच्या पठाणं या चित्रपटाची आणि त्या गाण्यातल्या बिकिनीची... गेल्या काही दिवसांपासून ह्या चित्रपटाचा वाद काही थांबण्याचं नावं घेत नाही आहे.

अनेक कलाकार, नेतेमंडळींपासून सर्व सामान्य माणसापर्यंत सागळ्यांनीच यावर आपली प्रतिक्रिया दिली. काही याच समर्थन केलं तर काहीनीं कडाडून विरोध केला. अनेक हिंदू संघटनांबरोबरचं मुस्लिम संघटनांनीही चित्रपट प्रदर्शित करु देणार नाही असा आक्रमक पवित्रा घेतला आहे.

त्यातच राजकिय पातळीवरही याप्रकरणात चांगलाच विरोध हेतं आहे. मध्य प्रदेशचे गृहमंत्री नरोत्तम मिश्रा यांच्यानंतर आता राज्याचे विधानसभा अध्यक्ष गिरीश गौतम यांनीही अभिनेता शाहरुख खानच्या आगामी ‘पठान’ चित्रपटाला विरोध केला आहे.

ते म्हणाले, "शाहरुखने आपल्या मुलीसोबत हा चित्रपट पाहावा, एक फोटो अपलोड करावा आणि जगाला सांगावं की तो आपल्या मुलीसोबत हा चित्रपट पाहत आहे. मी तुम्हाला पैगंबरावर असाच चित्रपट बनवून तो चालवण्याचं आव्हान देतो. ."

चित्रपटगृहांमध्ये 'पठाण'वर बंदी घालण्याच्या मागणीच्या पार्श्वभूमीवर आजपासून सुरू होणाऱ्या पाच दिवसीय हिवाळी अधिवेशनापूर्वी विधानसभा अध्यक्ष गौतम यांनी ही माहिती दिली.

विरोधी पक्षनेते डॉ गोविंद सिंग आणि माजी केंद्रीय मंत्री सुरेश पचौरी यांच्यासह काँग्रेसच्या वरिष्ठ नेत्यांनीही हा चित्रपट ‘आमच्या मूल्यांच्या विरुद्ध’ असल्याचं सांगत त्याला विरोध केला आहे. सुरेश पचौरी म्हणाले, "हे पठाणांबद्दल नाही, तर कपडे परिधान करण्याबद्दल आहे.भारतीय संस्कृतीत, कोणत्याही स्त्रीला असे कपडे घालण्याची आणि सार्वजनिक ठिकाणी ते दृश्य प्रदर्शित करण्याची परवानगी नाही, मग ती हिंदू, मुस्लिम किंवा अनुयायी असो."

बुधवारी नरोत्तम मिश्रा यांनी चित्रपटातील एका गाण्यावर आक्षेप घेतला. ते म्हणाले होते, "गाण्यातील वेशभूषा आक्षेपार्ह आहेत. गाण्यात घाणेरडी मानसिकता दिसून येते." पठाण'च्या निर्मात्यांनी 'बेशरम रंग' हे गाणे रिलीज केल्यानंतर दोन दिवसांनी नरोत्तम मिश्रा यांचे वक्तव्य आले आहे. त्यामूळे आता पठाणचा वाद आणखीणचं चिघळणार असल्याचं दिसतंय.