Malika Rajput: गायिका अन् अभिनेत्री मल्लिका राजपूतनं संपवलं आयुष्य? राहत्या घरात संशयास्पद स्थितीत आढळला मृतदेह

Malika Rajput: प्रसिद्ध गायिका आणि अभिनेत्री मल्लिका राजपूत (Malika Rajput) हिचा मृत्यू झाला आहे. विजय लक्ष्मी उर्फ मल्लिकानं मृत्यूनं केल्यानं अनेकांना धक्का बसला आहे. मल्लिकाने तिच्या सुलतानपूर येथील घरात आत्महत्या केली आहे, असं म्हटलं जात आहे. पण मल्लिकाच्या मृत्यूचं कारण अजून अस्पष्ट आहे. पोलिसांनी मल्लिकाचा मृतदेह ताब्यात घेतला आहे.

पोलिसांनी घटनास्थळ गाठून मल्लिकाचा मृतदेह ताब्यात घेऊन पोस्टमार्टमसाठी पाठवला. सध्या पोलीस या संपूर्ण प्रकरणाचा तपासात करत आहेत.

काय म्हणाली मल्लिकाची आई?

मल्लिकाची आई सुमित्रा सिंह यांनी सांगितले की, विजयालक्ष्मी सिंह उर्फ ​​मल्लिका राजपूत ही नेहमीप्रमाणे रात्री खोलीत गेली आणि दरवाजा आतून बंद केला. दरवाजा बंद होता पण रुममधील लाईट सुरु होती. आम्ही तीन जणं तिथे होतो पण आम्हाला दरवाजा उघडता आला नाही. शेवटी मी खिडकीतून पाहिलं तर तेव्हा माझी मुलगी मला लटकलेली दिसली. मी माझ्या नवऱ्याला आणि इतर काही लोकांना सांगितलं. पण तोपर्यंत मल्लिका आम्हाला सोडून गेली."

मल्लिकानं कंगना राणौतसोबत केलंय काम

मल्लिका राजपूतने अभिनेत्री कंगना राणौतसोबतही काम केले आहे. कंगनाच्या रिव्हॉल्वर रानी या चित्रपटात मल्लिकानं सहाय्यक भूमिकेत काम केलं. गायक शानच्या यारा तुझे या म्युझिक अल्बममधून मल्लिकाला विशेष लोकप्रियता मिळाली. याशिवाय मल्लिकाने अनेक मालिका, अल्बम आणि मालिकांमध्येही काम केलं.

राजकारणातही केला होता प्रवेश

मल्लिका राजपूतनं मनोरंजनक्षेत्रातसोबतच राजकारणात देखील हात आजमावला होता. तिनं भाजपमध्ये प्रवेश केला होता. पण 2018 मध्ये तिनं राजकारणाला रामराम ठोकला.