मुंबई : "पानिपत' या आगामी चित्रपटात एकाच वेळी 1300 नर्तक थिरकणार आहेत. मराठा साम्राज्याच्या इतिहासातील महत्त्वाचे पर्व असलेल्या पानिपतच्या तिसऱ्या लढाईवरील या सिनेमातील "मर्द मराठा' या गाण्यात हा विक्रम नोंदविण्यात आला आहे. मराठी आणि हिंदी भाषेचा वापर या गाण्यात करण्यात आला आहे. "मर्द मराठा' या गाण्यात मराठमोळा साज अनुभवायला मिळणार आहे. त्यात महाराष्ट्रातील पारंपरिक लेझीम तर आहेच, त्याचबरोबर बैलांचा पोशाख परिधान केलेले नर्तक असतील. काही दिवसांपूर्वीच या चित्रपटातील काही कलाकारांचे लक्षवेधी लूक समोर आले होते. नुकतेच या चित्रपटाचे पहिले गाणे "मर्द मराठा' सादर होत आहे. राजू खान यांनी नृत्यदिग्दर्शित केलेल्या या गाण्यात अभिनेता अर्जुन कपूर, मोहनीश बहल, अभिनेत्री पद्मिनी कोल्हापुरे, कृती सेनन हे कलाकारांबरोबर तब्बल 1300 नर्तक एकत्र नृत्य करणार आहे. विशेष म्हणजे केवळ 13 दिवसात या गाण्याचे चित्रीकरण कर्जत येथील शनिवारवाड्याच्या रिल लाईफ सेटवर करण्यात आले. गायिका अंजली गायकवाड आणि गायक ए. आर. अमीन यांनी हे गाणे गायले असून संगीतकार अजय-अतुल यांनी संगीतबद्ध केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.