Mc Stan: सानिया मिर्झाची एमसी स्टॅनला झप्पी! शेवटच्या सामन्यात स्टॅनने केला लाइव्ह परफॉर्म

भारताची दिग्गज टेनिसपटू सानिया मिर्झाचा आज 5 मार्च 2023 रोजी हैदराबादमध्ये शेवटचा सामना आहे. काही वेळापूर्वी तिने निवृत्ती घेतली होती आणि आज तिचे फेअरवेल मॅच आहे. या मॅचमध्ये बी-टाऊनचे अनेक सेलेब्स पोहोचले होते.

या मॅचमध्ये 'बिग बॉस 16' चा विजेता एमसी स्टॅन देखील सहभागी झाला होता. स्टेनचे सानिया मिर्झासोबतचे फोटो आणि व्हिडिओ सोशल मीडियावर व्हायरल होत आहेत.

एमसी स्टॅनने आपल्या बिजी शेड्यूलमधून वेळ काढून सानिया मिर्झाच्या शेवटच्या सामन्याला हजेरी लावली. स्टॅन साजिद आणि फराह खानच्या खूप जवळ आहे हे तुम्हाला माहिती आहेच. सानियाही फराहची चांगली मैत्रीण आहे. अशा स्थितीत सानियालाही स्टेन खूप आवडतो.

सानिया मिर्झाने मॅचपूर्वी एमसी स्टॅनची भेट घेतली होती. चाहत्यांसोबत फोटो काढल्यानंतर स्टॅनने टेनिस स्टार सानिया मिर्झाची भेट घेतली. ब्लॅक लूकमध्ये स्टॅन मस्त दिसत होता. तर सानिया टेनिस आउटफिटमध्ये दिसली. सानियाने आधी स्टेनला मिठी मारली आणि नंतर दोघेही एकमेकांशी बोलताना दिसत आहेत.

याशिवाय सोशल मीडियावर अनेक फोटोही समोर आले आहेत, ज्यामध्ये स्टॅन सानियासोबत मैदानात दिसत आहे. स्टॅनने सानियाच्या शेवटच्या सामन्यातही मैदानात परफॉर्मन्स दिला, त्यानंतर ती स्टेनला मिठी मारतानाही दिसत आहे.

एमसी स्टॅनची चर्चा सध्या सगळीकडे आहे. रिअॅलिटी शो 'बिग बॉस 16' ची ट्रॉफी जिंकण्यासोबतच त्याने लोकप्रियतेच्या बाबतीत अनेक बॉलिवूड स्टार्सलाही मागे सोडले. वयाच्या अवघ्या २३ व्या वर्षी रॅपच्या जगात नाव कमावणाऱ्या एमसी स्टॅनने केवळ लोकांनाच नाही तर अनेक स्टार्सनाही वेड लावले आहे.