Mrunal Thakur: मृणालचं झालं ब्रेकअप? रडत फोटो शेअर करत म्हणाली...

Mrunal Thakur News: बॉलिवूडची प्रसिद्ध अभिनेत्री मृणाल ठाकूर ही कोणत्याही वेगळ्या ओळखीवर अवलंबून नाही. छोट्या पडद्यापासून ते मोठ्या पडद्यापर्यंत आपल्या दमदार अभिनयामुळे मृणाल ठाकूरने स्वतःसाठी एक खास स्थान निर्माण केले आहे.

दरम्यान, मृणाल ठाकूरचा एक लेटेस्ट फोटो सोशल मीडियावर समोर आला आहे, ज्यामध्ये मृणाल ठाकूर रडताना दिसत आहे. मृणाल ठाकूरने या फोटोद्वारे आपली व्यथा मांडली आहे.

मंगळवारी, मृणाल ठाकूरने तिच्या अधिकृत इंस्टाग्राम हँडलवर स्टोरीमध्ये एक लेटेस्ट फोटो शेअर केला. मृणाल ठाकूरच्या या इन्स्टा स्टोरी फोटोमध्ये ती रडताना दिसत आहे.

या फोटोसोबत मृणाल ठाकूरने लिहिले आहे की- 'कालचा दिवस कठीण होता, पण आज मी अधिक मजबूत, समजदार आणि आनंदी आहे, प्रत्येकाच्या कथांची अनेक पाने आहेत, परंतु प्रत्येकजण त्या मोठ्याने वाचत नाही, पण मी माझ्या कथेची पाने मोठ्याने वाचणे निवडत आहे".

अशाप्रकारे मृणाल ठाकूरने मनातील गोष्ट सांगितली आहे. मात्र, या फोटोनंतर लगेचच मृणाल ठाकूरनेही इन्स्टा स्टोरीमध्ये एक व्हिडिओ अपलोड केला आहे, ज्यामध्ये ती म्हणताना दिसत आहे की- "काल मला खूप वेगळं आणि असहाय्य वाटत होते. पण आज मी खूप आनंदी आहे".

अलीकडेच मृणाल ठाकूर सुपरस्टार अक्षय कुमार आणि इमरान हाश्मी यांच्या 'सेल्फी' चित्रपटातील 'कुडिए तेरी बाइव'मध्ये दिसली होती. आगामी काळात मृणाल ठाकूर बॉलिवूड अभिनेता आदित्य रॉय कपूरसोबत 'गुमराह' चित्रपटात दिसणार आहे. मृणालचा हा चित्रपट ७ एप्रिल रोजी चित्रपटगृहात प्रदर्शित होत आहे.