क्रूझ ड्रग्ज पार्टीवर एनसीबीने केलेल्या कारवाईपासून आर्यन खान हे नाव चर्चेत आहे. आर्यन खानला ताब्यात घेतल्यापासून ते त्याला जामीन मिळेपर्यंत सर्वांचं लक्ष त्याच्यावर लागून होतं. यावेळी काही लोकांनी आर्यन खानचं समर्थन केलं तर काहींनी एनसीबीने केलेल्या कारवाईचं, मात्र आता सुशांत सिंह जपुत प्रकरणात सुशांतच्या कुटुंबाची बाजू मांडणारे वकील विकास सिंह यांनी एनसीबीवर गंभीर आरोप केले आहेत.
नार्कोटिक्स कन्ट्रोल ब्युरोला माध्यमांमध्ये येण्याची खूप इच्छा असते, त्यामुळेच ही अशी प्रकरणं काढली जात आहेत, असं वक्तव्य विकास सिंह यांनी एनडीटीव्हीशी बोलताना केलं आहे. शाहरुख खानचा मुलगा आर्यन खानवर एनसीबीने केलेल्या कारवाईनंतर विकास सिंह यांचं हे विधान आहे. विकास सिंह यांनी जून २०२० मध्ये अभिनेत्री रिया चक्रवर्तीच्या विरोधात सुशांत सिंहच्या वडिलांकडून ही केस लढवली होती. सुशांत सिंहगच्या मृत्यूनंतरच बॉलीवूडमधील ड्रग प्रकरणाची लिंक समोर आली होती.
एनसीबीवर आरोप करताना ते पुढे म्हणाले की, बॉलीवूडवर निशाणा साधत बॉलीवूडला बदनाम करणं चुकीचं आहे. एनसीबीची अशी भूमिका योग्य नाही, ते मोठे मासे सोडून फक्त लोकांचं दिशाभूल करण्याचं काम करत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.