Video: राज कपूर यांच्या 'Wild Holi' पार्टीची बातच काही और.. जाणून घ्या काय काय व्हायचं पार्टीत?

Video: बॉलीवूडचे शोमॅन राज कपूर(Raj Kapoor) यांनी सिनेइंडस्ट्रीला सिनेमांचा चांगला काळ दाखवलाय. त्यांचे अनेक सिनेमे आजची पिढीसुद्धा एन्जॉय करते. 'श्री ४२०','आवारा','मेरा नाम जोकर' अशा सिनेमांची नावं झरझर तुमच्या डोळ्यासमोरून गेली देखील असतील.

पण सिनेमांसोबतच बॉलीवूडलाच नाही तर सर्वसामान्यांनाही क्रेझ असायची राज कपूरच्या जंगी होळी सेलिब्रेशनची. म्हटलं जातं,तिथं होळीला 'जंगली होळी'(Wild Holi) संबोधायचे. तिथं पांढऱ्या शुभ्र स्वच्छ कपड्यात येणारा प्रत्येकजण रंगांमध्ये माखून निघाला नाही तर नवल.

बरं यावरच तिथं समाधान मानलं जायचं नाही तर येणाऱ्या प्रत्येकाला मोठमोठ्या पाण्यानं भरलेल्या ट्युबच्या टबात बिनधास्त फेकलं जायचं. (Raj Kapoor WIld Holi Party)

जीव मुठीत घेऊन तिथं होळी सेलिब्रेशनला येणारा प्रत्येकजण कधी तिथल्या जंगली वातावरणात हरवून जायचा हे त्याला देखील कळायचं नाही. कपूर फॅमिलीच्या या धुळवड पार्टीची वाट प्रत्येकजण पहायचा.

गाणी,डान्स आणि धम्माल असा हा रंग आज प्रत्येकजण मिस करतोय. म्हणूनच तर राज कपूर यांच्या त्या होळीची आठवण करुन देत गेल्याच वर्षी त्यांची सून अभिनेत्री नीतू कपूरनं सोशल मीडियावर काही फोटो शेअर केले होते.सोबत एक व्हिडीओ देखील त्यांनी पोस्ट केला होता.

यावर्षी धुळवडीच्या निमित्तानं ही खास आठवण आम्ही पुन्हा शेअर करत आहोत.

हेही वाचा: तुमच्याकडं कागदी स्वरुपातले शेअर आहेत? मग हे वाचाच....

नीतू कपूर(Neetu kapoor) यांनी व्हिडीओ पोस्ट करत लिहिलेलं,''जेव्हा एकमेकांसाठी प्रेम-आदर असतो तेव्हा एक कुटुंब पूर्ण होतं. हॅप्पी होळी!''

नीतू कपूर यांनी पोस्ट केलेल्या व्हिडीओची सुरुवातच एका माणसाला पाण्याच्या टबमध्ये बुडवण्यापासनं होते अन् कॅमेरा लगेच राज कपूर यांच्या चेहऱ्यावर जातो. राजकपूर आपल्या फॅमिलीसोबत एन्जॉय करताना दिसत आहेत.

त्या व्हिडीओत त्यांची पत्नी कृष्णा कपूर,शम्मी कपूर,त्यांच्या पत्नी नीला देवी असे सगळे दिसत आहेत. नीतू कपूर देखील पांढरा कुर्ता घातलेल्या दिसत आहेत. त्यांच्यासोबत लहानगा रणबीर कपूरही दिसत आहे.

Rishi Kapoor देखील कोणासोबत तरी डान्स एन्जॉय करताना दिसत आहेत. तर राज कपूर-शम्मी कपूर दोघे भाऊ हास्यकल्लोळात गुंतून गेलेले दिसत आहेत.

तर एका क्षणी त्या व्हिडीओत राज कपूरही डान्स करताना दिसत आहेत. या व्हिडीओत राज कपूर यांनी होळीच्या दिवशी पांढऱ्या रंगाचं असलेलं महत्त्व देखील सांगितलं आहे.

या व्हिडीओवर नेटकऱ्यांनी खूप चांगल्या प्रतिक्रिया नोंदवल्या होत्या. कुणी म्हटलेलं, 'खुप सुंदर आठवणी तर कुणी कपूरांच्या घरच्या गणेशोत्सव सेलिब्रेशनचीही आठवण काढली होती'.

करिश्मा कपूरनेही तिच्या इन्स्टाग्राम अकाऊंटवर होळीच्या आठवणी शेअर केल्या होत्या. ज्यामध्ये तिनं बबिता आणि रणधीर कपूर या आपल्या आईवडिलांसोबतच्या होळीच्या आठवणी शेअर केलेल्या.