Adipurush Nepal Update: दुष्काळात तेरावा महिना! नेपाळमध्ये आदिपुरुष वरील बंदी कायम, आता हिंदी सिनेमे...

Adipurush Nepal Banned Update News: 'आदिपुरुष' चित्रपटातील "आक्षेपार्ह" शब्द आणि सीतेचे चित्रण पाहून संतप्त झालेल्या नेपाळने 19 जूनपासून सर्व हिंदी चित्रपटांच्या प्रदर्शनावर बंदी घातली होती.

आता नेपाळने शुक्रवारी 'आदिपुरुष' वगळता सर्व हिंदी चित्रपट दाखवण्याची परवानगी दिली आहे. 'आदिपुरुष' चित्रपटाने सीते मातेचे 'भारत की बेटी' असे वर्णन केल्यानंतर वाद सुरू झाला.

अलीकडेच नेपाळने सर्व हिंदी चित्रपटांच्या प्रदर्शनावर बंदी घातली होती. पण आता मात्र आदिपुरुषला वगळता काठमांडूमधील अनेक सिनेमागृहांनी आता हिंदी चित्रपटाचे प्रदर्शन पुन्हा सुरू केले आहे.

आदिपुरुषचा हिंदी सिनेमांवर परिणाम :

सारा अली खान आणि विकी कौशल स्टारर 'जरा हटके जरा बचके' सिनेमाचे स्क्रिनिंग 'QFX' सिनेमात सुरू होते.

नेपाळ मोशन पिक्चर असोसिएशनने एका निवेदनात म्हटले आहे की शुक्रवारपासून "आदिपुरुष" वगळता सर्व नेपाळी आणि परदेशी चित्रपट प्रदर्शित केले जातील.

आदिपुरुष बद्दल वाद:

ओम राऊत यांच्या आदिपुरुषचा एक संवाद, ज्यामध्ये सीतेचा उल्लेख “भारताची कन्या” म्हणून करण्यात आला आहे, त्यामुळे सर्व हिंदी चित्रपटांवर बंदी घालण्यात आली होती, ज्याची घोषणा काठमांडूचे महापौर बलेंद्र शाह यांनी केली होती.

शाह यांनी गुरुवारी निर्णय आल्यावर सांगितले की ते कोणत्याही शिक्षेला सामोरे जाण्यास तयार आहेत परंतु हे प्रकरण “नेपाळच्या सार्वभौमत्व आणि स्वातंत्र्याशी” संबंधित असल्याने चित्रपटाच्या प्रदर्शनास परवानगी देणार नाही.