Gargi Phule: निळू फुलेंची लेक गार्गी फुले अजित पवारांच्या उपस्थितीत करणार राष्ट्रवादीत प्रवेश

Gargi Phule In Politics Enter Into NCP News: ज्येष्ठ सिने अभिनेते स्वर्गीय निळू फुले यांची मुलगी आणि अभिनेत्री असलेली गार्गी फुले यांचा आज राष्ट्रवादी काँग्रेस पार्टीमध्ये जाहीर प्रवेश होणार आहे.

राज्याचे विरोधी पक्षनेते अजित दादा पवार, जयंत पाटील साहेब यांच्या उपस्थितीमध्ये होणार आहे. यानिमित्ताने गार्गी फुले यांचा राष्ट्रवादीत प्रवेश होणार आहे. अशाप्रकारे गार्गी फुले यांच्या निमित्ताने आणखी एक मराठी अभिनेत्री राजकारणात प्रवेश करतेय.

(nilu phule daughter Gargi Phule will join ncp today in the presence of Ajit Pawar)

गार्गी फुले या ज्येष्ठ अभिनेते निळू फुले यांच्या कन्या आहेत. निळू फुले यांनी आजवर खलनायकी भूमिका साकारल्या. पण वडिलांच्या अगदी विरुद्ध गार्गी फुले यांनी सिनेमा आणि मालिका विश्वात अभिनय केला. निळू फुलेंच्या नावाचा प्रभावी वापर न करता काहीशा उशिराच गार्गी या अभिनय क्षेत्रात दाखल झाल्या.

गार्गी यांनी जिद्दीने नाटक-सिनेमा क्षेत्रात स्वत:चे स्थान निर्माण केले. गार्गी फुले यांनी पुण्यातील अभिनय विद्यालयातून शिक्षण घेतले तर मुंबई युनिव्हर्सिटी तुन MA ची पदवी प्राप्त केली आहे. १९९८ मध्ये अभिनेत्री गार्गी फुले यांनी पहिलं नाटक केलं ते एलकुंचवारांचं 'सोनाटा' आणि नाट्यक्षेत्रात पाऊल ठेवले.

झी मराठीवरील मालिका ”तुला पाहते रे” मध्ये ‘ईशा‘च्या आईची भूमिका साकारली होती. या आधीही झी युवा वाहिनीच्या ‘कट्टी बट्टी’ या मालिकेत त्या पाहायला मिळाल्या होत्या. सप्टेंबर २००७ मध्ये गार्गी फुले यांचे लग्न झाले असून त्यांच्या पतीचे नाव ओंकार थत्ते असे आहे.