Nitin Gadkari: कोणता आघाडीचा गायक आवडतो? नितीन गडकरींनी घेतलं या हिंदी गायकाचं नाव

केंद्रीय परिवहन आणि महामार्ग मंत्री नितीन गडकरी विविध कार्यक्रमातून त्यांच्या विकास कामांविषयी व्यक्त होतच असतात. आज सकाळ आयोजित `मनातले गडकरी` या कार्यक्रमात नितीन गडकरी यांची अभिनेते प्रशांत दामलेंनी मुलाखत घेतली. त्यावेळी नितीन गडकरी यांनी त्यांच्या गाणी आणि संगीताच्या आवडीबद्दल मनमोकळं केलं.

(who is nitin gadkari favourite singer)

प्रशांत दामलेंनी गडकरींना प्रश्न विचारला. त्यावेळी गडकरी बोलता बोलता गाणं गुणगुणतात याबद्दल प्रशांत दामलेंनी नितीन गडकरींना बोलतं केलं. तेव्हा गडकरी म्हणाले, "तुम्ही गायक आहात, तुम्ही गाणं चांगलं गुणगुणता. मी एकदा गाणं गुणगुणलं तेव्हा त्याची खुप चर्चा झाली. मला शैलेंद्र, नितीन मुकेश, हसरत जयपुरी असे सर्व आवडतात.

आता सध्या मी ओ मेरे सनम, ओ मेरे सनम हे लता मंगेशकर यांनी गायलेलं गाणं ऐकतोय. आता मोबाईलमुळे काम सोप्पं झालंय. त्यामुळे विमानात बसल्यावर मी कानात हेडफोन टाकून हे गाणं ऐकतो.

याशिवाय आघाडीच्या गायकाबद्दल बोलताना नितीन गडकरी म्हणतात, "माझ्या लिस्टमध्ये सगळे गायक आहेत. लता मंगेशकर, गुलाम अली, राहत फतेह अली खान आणि नव्या पिढीचा अरजित सिंग हे गायक मला आवडतात."

असं नितीन गडकरी म्हणाले. त्यामुळे नव्या पिढीचा गायक अरजित सिंग नितीन गडकरींचा फेव्हरेट आहे.