NTR 30: 'एनटीआर 30'मध्ये ज्युनियर NTR दिसणार दुहेरी भूमिकेत! सैफ अली खानही या चित्रपटाचा असणार भाग

साऊथ सुपरस्टार ज्युनियर एनटीआरच्या तिसाव्या चित्रपटाची म्हणजेच एनटीआर 30 ची चाहत्यांमध्ये आधीपासूनच क्रेझ पाहायला मिळत आहे. चाहते चित्रपटाशी संबंधित अपडेट्सची सतत वाट पाहत असतात. आता बातमी आहे की, बॉलीवूड अभिनेता सैफ अली खान देखील या प्रोजेक्टचा एक भाग असणार आहे. मात्र, याला चित्रपटाच्या टीमने अद्याप अधिकृत दुजोरा दिलेला नाही.

'RRR'च्या घवघवीत यशानंतर आता ज्युनियर एनटीआर या चित्रपटाद्वारे चाहत्यांची मने जिंकण्यासाठी येत आहे. हा एक अखिल भारतीय चित्रपट असेल म्हणजेच तो संपूर्ण देशात तमिळ, तेलगू आणि इतर दक्षिण भाषांमध्ये तसेच हिंदीमध्ये प्रदर्शित होणार आहे. या चित्रपटात बॉलिवूड अभिनेत्री जान्हवी कपूरही मुख्य भूमिकेत दिसणार आहे. त्याचवेळी आता सैफ अली खानही यात सामील होण्याची शक्यता आहे.

या चित्रपटासाठी सैफ अली खानला आधीच साईन केल्याचे वृत्त आहे. चित्रपटाच्या तिसऱ्या शेड्यूलमध्ये तो सेटवर जॉईन होण्याची शक्यता आहे. असे झाले तर चाहत्यांसाठी ही आनंदाची बातमी असेल. मात्र, या बातमीनंतर सैफचे चाहते सोशल मीडियावर आनंद व्यक्त करत आहेत.

चाहत्यांसाठी एक मोठे अपडेट म्हणजे त्यांना या चित्रपटात ज्युनियर एनटीआर दुहेरी भूमिकेत पाहायला मिळू शकेल. या चित्रपटात हा अभिनेता बाप आणि मुलाच्या दुहेरी भूमिकेत दिसणार आहे. चित्रपटाची कथा एका मच्छीमार समाजाच्या जीवनावर आधारित असेल. चित्रपटाचे दिग्दर्शन कोराताला शिवा करत आहेत. ब्लॉकबस्टर 'जनता गॅरेज' नंतर एनटीआर आणि शिवाचा हा दुसरा चित्रपट आहे. NTR 30 5 एप्रिल 2024 रोजी रिलीज होऊ शकतो.