Pankaj Tripathi: 'वडिलांचे श्राद्ध सुरु आहे अन् तुम्ही....' पंकज त्रिपाठी चाहत्यांवर रागावला!

Pankaj Tripathi News: पंकज त्रिपाठींच्या वडीलांचं वयाच्या ९८ व्या वर्षी निधन झालं. पंकज त्रिपाठींवर दुःखांचा डोंगर कोसळला आहे. पंकज त्रिपाठींना साहाय्यक अभिनेत्याचा राष्ट्रीय पुरस्कार पुरस्कार मिळाला. त्यावेळी त्यांना वडीलांची खुप आठवण आली.

वडीलांचे अंत्यसंस्कार झाल्यावर पुढचे विधी करायला गावी गेले होते. तेव्हा पंकज त्रिपाठींना पाहायला इतकी गर्दी लोटली की बाऊन्सरला बोलवावं लागलं

श्राद्धविधीच्या वेळी लोकांची उडाली झुंबड

अभिनेते पंकज त्रिपाठी यांच्या वडीलांचा श्राद्ध सोहळा 1 सप्टेंबर रोजी पार पडला. केंद्रीय राज्यमंत्री अश्विनी चौबे, चिराग पासवान यांच्यासह अनेक मंत्री पंकजच्या वडीलांना श्रद्धांजली वाहण्यासाठी बिहारमधील बरौली येथील बेलसंद गावात पोहोचले.

पंकज त्रिपाठी सकाळपासून वडिलांच्या श्राद्धविधीसाठी आलेल्या पाहुण्यांचे स्वागत करत, लोकांच्या भेटीगाठी करत होते. यावेळी सेल्फी काढणाऱ्यांचीही मोठी गर्दी पाहायला मिळाली. त्यामुळे पंकज त्रिपाठींना गर्दीला नियंत्रणात ठेवण्यासाठी बाऊन्सरला पाचारण करावं लागलं.

वडिलांना पंकज त्रिपाठीच्या कामाची माहिती नव्हती

पंकज त्रिपाठी हे बिहारमधील गोपालगंज भागातील रहिवासी आहे. अभिनेता करिअरच्या निमित्ताने मुंबईत राहत असताना वडील आणि आई गावात राहत होते. 'मॅशेबल'शी संवाद साधताना पंकज त्रिपाठीने एकदा सांगितले की, "मुलगा काय करतो, कुठे काम करतो अशा गोष्टींमध्ये पंकजच्या वडिलांना अजिबात रस नव्हता. याशिवाय मुलगा पंकज त्रिपाठी चित्रपटसृष्टीत काय काम करतो हेही त्यांना माहीत नव्हते."

पंकज त्रिपाठीचे वडील एकदाच मुंबईत आले, कधीच थिएटरला गेले नाहीत

पंकज त्रिपाठी यांनी मिडीयाला दिलेल्या मुलाखतीत सांगितले की, "त्यांचे वडील एकदाच मुंबईत आले होते. इथली मोठमोठी घरं आणि इमारती त्यांनाआवडत नव्हत्या. पंकज त्रिपाठी यांनी सांगितले होते की त्यांचे वडील कधीही चित्रपटगृहात चित्रपट पाहायला गेले नाहीत. घरातही ते आपल्या मुलाचे सिनेमे टीव्ही किंवा कॉम्प्युटरवर कुणी दाखवले तरच बघायचे. काही वर्षांपुर्वीच पंकज त्रिपाठीने आई आणि वडिलांसाठी टीव्ही सेट लावला होता. एकुणच एकीकडे OMG 2 चं यश साजरं करत असतानाच पंकज त्रिपाठींना व्ययक्तिक आयुष्यातील या दुःखद गोष्टींना सामोरं जावं लागत आहे.