बॉलीवूड ते साऊथ चित्रपटांमध्ये धुमाकूळ घालणाऱ्या सुंदर अभिनेत्रींपैकी एक पूजा हेगडे सध्या चर्चेत आहे. ती सध्या तिच्या आगामी 'किसी का भाई किसी की जान' या चित्रपटामुळे चर्चेत आहे.
सलमान खानसोबत पहिल्यांदाच स्क्रीन शेअर करणारी पूजा हेगडे किसी का भाई किसी की जानच्या प्रमोशनमध्ये व्यस्त आहे. अशा परिस्थितीत अभिनेत्री सतत मुलाखती देत आहे. अशाच एका मुलाखतीत पूजा हेगडेने निर्मात्याने तिला कार भेट दिल्याच्या अफवांवर मौन सोडले.
याआधी अभिनेत्रीबद्दल एक अफवा खूप वेगाने पसरली होती की ती आणि सलमान खान एकमेकांना डेट करत आहेत. नंतर अभिनेत्रीने या अफवाचे खंडन केले आणि सांगितले की ती अजूनही सिंगल आहे.
गोष्ट एवढ्यावरच थांबत नाही. यानंतरही पूजाबाबत अनेक अफवा पसरवल्या गेल्या आहेत. यावर आता अभिनेत्रीने तिची प्रतिक्रिया दिली आहे.
नुकतेच पूजाने एका मुलाखतीत निर्मात्याने तिला कार भेट दिली होती का याचे उत्तर दिले. अभिनेत्री म्हणाली की, मीडियामध्ये तिच्याबद्दल दररोज काहीतरी नवीन बोलले जात आहे. मी लोकांना प्रत्येक गोष्टीची उत्तरे देऊ शकत नाही. तिने सांगितले की, तिच्याबद्दलच्या प्रत्येक अफवाला ती उत्तर देऊ शकत नाही.
यासोबतच पूजाबद्दल अशी अफवाही पसरली होती की निर्मात्याने तिला कार गिफ्ट केली होती. प्रतिक्रिया देताना अभिनेत्री म्हणाली की, ही बातमी कळल्यानंतर तिने निर्मात्याला स्क्रीनशॉट पाठवला आणि म्हणाली, 'बदनामी करत असाल, तर किमान मला गाडी द्या. मग ही बदनामी मी सहन करू शकते.'
'किसी का भाई किसी की जान' या चित्रपटात पूजा भाग्यलक्ष्मीची भूमिका साकारत आहे. हा चित्रपट 21 एप्रिल रोजी थिएटरमध्ये दाखल होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
