Prasad Oak: धाक! बायकोने डोळे काय वटारले अन प्रसाद ओक चक्क फरशी पुसू लागला..

prasad oak : अभिनेता आणि दिग्दर्शक प्रसाद ओक सध्या भलताच चर्चेत आहेत. 'चंद्रमुखी' आणि 'धर्मवीर' असे दोन सिनेमे त्याने लागोपाठ दिले. एका चित्रपटाचे त्याने दिग्दर्शन केले तर एका चित्रपटात त्याने प्रमुख भूमिका बजावली. त्याचा 'धर्मवीर'चा सर्व प्रवास आता 'माझा आनंद' या पुस्तकातूनही समोर आला आहे. लवकरच तो ज्येष्ठ अभिनेते निळू फुले यांच्या जीवनावर चित्रपट करणार आहे. अशा प्रकाशझोतात असतानाच प्रसादने एक व्हिडिओ शेयर केला आहे. ज्यामध्ये तो चक्क घरातली जागा पुसताना दिसत आहे. नेमकं काय आहे प्रकरण जाणून घेऊया..

(prasad oak clean his house share funny video with wife manjiri oak)

प्रसादने एक रिल व्हिडीओ शेअर केला आहे. यामध्ये तो बादली आणि कपडा घेऊन घरातली फरशी पुसत आहे. यावेळी त्याच्या चेहऱ्यावरील भाव ही बघण्यासारखे आहे. या रिल मध्ये त्याची बायको मंजिरी ओक देखील असून या व्हिडीओला दिलेल्या व्हॉईस ओव्हरने सर्वांचेच लक्ष वेधले आहे. कारण प्रसादच्या या रीलने सर्वांनाच खळखळून हसवलं आहे.

'असं म्हणतात प्रत्येक जोडी स्वर्गात बनलेली असते. पण आता असं वाटतं की वरतीही काम नीट होत नाहीय.'असा गमतीशीर आवाज या व्हिडिओला दिला आहे. ही करताना प्रसाद घरातील लादी पुसत आहे. तर प्रसादची बायको मंजिरी मस्त मोबाइल घेऊन टाइमपास करताना दिसत आहे. मध्येच एकदा मंजिरी प्रसादकडे रागात पाहते आणि प्रसाद जागा पुसू लगतो' हा भन्नाट व्हिडिओ प्रचंड व्हायरल होत आहे.