Prashant Damle Mother Death : प्रशांत दामले यांच्या मातोश्री विजया दामले यांचे निधन!

Prashant Damle Mother Vijaya Damle passed Away : मराठी चित्रपट आणि नाट्यसृष्टीतील प्रसिद्ध कलावंत प्रशांत दामले यांच्याविषयीची एक धक्कादायक बातमी समोर आली आहे. ज्येष्ठ कलाकार दामले यांच्या आईचे निधन झाले आहे. त्यासंबंधी माहिती देणारी पोस्ट सोशल मीडियावर व्हायरल झाली आहे.

राजश्री मराठीनं त्यांच्या अधिकृत इंस्टावरुन याबाबतचे सविस्तर वृत्त दिले आहे. विजया दामले असे त्यांचे नाव असून त्या 93 वर्षांच्या होत्या. त्यांच्या जाण्यानं दामले परिवारावर मोठी शोककळा पसरली आहे.

प्रशांत दामले हे मराठी मनोरंजन विश्वातील सुप्रसिद्ध अभिनेते म्हणून परिचित आहेत. मराठी रंगभुमीवरचे लोकप्रिय कलावंत म्हणूनही ते परिचित आहेत. दामले यांनी आजवर विविध प्रयोग करुन मराठी रंगभुमीवर नाटकांचे रेकॉर्डब्रेक प्रयोग केले आहेत.

नाटकांचे प्रयोग करण्यासाठी प्रशांत आता अमेरिका दौऱ्यावर जाणार आहेत. यावेळी कारण सुद्धा तसंच काहीसं खास आहे. शैक्षणिक निधी उभारण्यासाठी प्रशांत दामले अमेरिकेत नाटकांचे प्रयोग करणार आहेत.