Prathamesh Parab: दगडूला प्राजू मिळाली! थाटात पार पडला प्रथमेश आणि क्षितिजा यांचा विवाह सोहळा, पहा Exclusive Video

Prathamesh Parab: अभिनेता प्रथमेश परब (Prathamesh Parab) आणि क्षितिजा घोसाळकर (Kshitija Ghosalkar) यांचा विवाह सोहळा नुकताच पार पडला आहे. त्यांच्या विवाह सोहळ्याचे फोटो सोशल मीडियावर व्हायरल झाले आहेत. सध्या प्रथमेश आणि क्षितिजा यांच्यावर सोशल मीडियाच्या माध्यमातून नेटकरी शुभेच्छांचा वर्षाव करत आहेत.

प्रथमेश आणि क्षितिजा यांचा खास लूक

प्रथमेश आणि क्षितिजा यांनी त्यांच्या लग्नसोहळ्यासाठी खास लूक केला होता. क्षितिजानं गुलाबी रंगाची साडी आणि गोल्डन ज्वेलरी असा लूक केला होता. तर प्रथमेशनं पांढऱ्या रंगाचा कुर्ता आणि फेटा असा लूक केला होता. दोघांच्या या खास लूकचं सध्या अनेकजण कौतुक करत आहेत. प्रथमेश आणि क्षितिजा यांच्या विवाह सोहळ्याला रवी जाधव आणि सिद्धार्थ जाधव यांनी हजेरी लावली होती.

शेअर केले फोटो

प्रथमेश आणि क्षितिजा यांनी त्यांच्या विवाह सोहळ्याचे फोटो सोशल मीडियावर शेअर केले आहेत. या फोटोला त्यांनी कॅप्शन दिलं,"Finally......Lockdown love story चे Hearts,
forever साठी locked" प्रथमेश आणि क्षितिजा यांनी शेअर केलेल्या लग्नसोहळ्याच्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

प्रथमेश आणि क्षितिजा यांनी लग्नाआधी खास प्रीवेडिंग फोटोशूट केलं होतं. या फोटोशूटच्या फोटोमध्ये प्रथमेश आणि क्षितिजा यांचा रोमँटिक अंदाज बघायला मिळाला.

'टाईमपास' मुळे मिळाली लोकप्रियता

प्रथमेश परबला टाईमपास या चित्रपटामुळे विशेष लोकप्रियता मिळाली. या चित्रपटात त्यानं दगडू परब ही भूमिका साकारली. या भूमिकेला प्रेक्षकांची विशेष पसंती मिळाली.

प्रथमेशचा डिलिव्हरी बॉय हा चित्रपट काही दिवसांपूर्वी रिलीज झाला. मोहसीन खान यांनी या चित्रपटाचं दिग्दर्शन केलं आहे. बालक-पालक,उर्फी,लालबागची राणी, टकाटक 2 या चित्रपटांमध्ये प्रथमेशनं काम केलं आहे. तसेच प्रथमेशनं दृष्यम या हिंदी चित्रपटात देखील काम केलं आहे. प्रथमेशच्या आगामी चित्रपटांची प्रेक्षक उत्सुकतेने वाट बघत असतात.