Rakhi Sawant Mother Death: 'तुझं दुःख समजू शकतो, मी ही...', राखीच्या दु:खात जॅकी दादाही भावूक

Rakhi Sawant Mother die: ब्रेन ट्यूमर आणि कॅन्सरसारख्या गंभीर आजारांनी ग्रस्त असलेली अभिनेत्री राखी सावंतची आई जया भेडा यांचे शनिवारी निधन झाले. त्याच्या जाण्याने राखी खुपचं दु:खी आहे. तिच्या आईच्या मृत्यूनंतर राखी रडत असल्याचा व्हिडिओ समोर आला आहे.

त्यात तिने आज माझ्या डोक्यावरून मायेचा हात गेला. आता माझ्याकडे गमावण्यासारखं काहीच उरलं नाही. आय लव्ह यू आई… आई, तुझ्याशिवाय काहीच नाही. आता माझी हाक कोण ऐकणार आणि कोण मला मिठी मारणार आई? मी कुठे जाऊ?; अशी भावनिक पोस्ट राखीने लिहिली आहे.

तिच्या व्हिडीओवर अनेक सेलिब्रिटींनी कमेंट करून तिच्या दुःखात सहभागी झाले. यातच बॉलिवूड अभिनेता जॅकी श्रॉफ यांनीही तिच्या व्हिडिओला कमेंट केली.

राखीचं सात्वनं करतांना जॅकी दादांनी लिहिले की, “मी तुझे दुःख समजू शकतो. मी माझे आई, वडील आणि भाऊ देखील गमावले आहेत. त्याचा आत्मा सदैव आपल्यासोबत असेल."

तर संजय दत्तची पत्नी मान्यता दत्त यांनी लिहिले की, "या दु:खाच्या क्षणी देव तुम्हाला सहन करण्याची शक्ती देवो. ओम शांती. त्याच्या आत्म्यास शांती लाभो."

राखीच्या आईच्या पार्थिवावर अंधेरी पश्चिमेतील महापालिकेच्या ख्रिश्चन स्मशानभूमीत अंत्यसंस्कार होणार आहे.