Rakhi Sawant : राखीच्या मदतीला धावून आले मुकेश अंबानी; खुद्द तिनेच केला खुलासा, म्हणाली...

मुंबई - ड्रामा क्वीन राखी सावंत सध्या अनेक अडचणींना तोंड देताना दिसत आहे. एकीकडे राखीला वैवाहिक जीवनाचं टेन्शन आहे. दुसरीकडे राखीची आई आजारी आहे. राखीच्या आईला आधी कॅन्सर झाला होता. कॅन्सरनंतर त्यांना ब्रेन ट्युमरही झाला होता. त्यांच्यावर सध्या उपचार सुरू आहेत.

अलीकडेच राखीने तिच्या आईच्या आजाराबद्दल माहित दिली. तसेच उद्योगपती मुकेश अंबानी आपल्या आईच्या उपचारात मदत करत असल्याचेही सांगितले.

राखी सावंतची आई कॅन्सरनंतर ब्रेन ट्यूमरशी झुंज देत आहे. आईच्या आजारपणाची व्यथा सांगताना राखी म्हणाली, 'आईला ओळखता येत नाही. आई खाऊही शकत नाही. पुढे बोलताना ती म्हणाली, 'मला अंबानीजींचे आभार मानायचे आहेत. अंबानीजी आईच्या उपचारात मदत करत आहेत. दवाखान्यातील वाढलेला उपचार खर्च कमी करण्यात त्यांची मदत झाली.

राखीने असंही सांगितले की, तिची आई 2 महिन्यांपासून रुग्णालयात दाखल आहे. राखीचा व्हिडिओ पाहिल्यानंतर प्रत्येकजण तिची आई बरे होण्यासाठी प्रार्थना करत आहे.