Ranbir at Arijit concert: अरिजित समोर 'अ‍ॅनिमल' झुकला! रणबीर कपूरच्या व्हिडिओनं जिंकलं चाहत्यांचं मन

Ranbir Kapoor Arijit Singh Video: रणबीर कपूरच्या 'अ‍ॅनिमल' चित्रपटाबाबत प्रेक्षकांमध्ये वेगळीच क्रेझ आहे. लेखक-दिग्दर्शक संदीप रेड्डी वंगा यांनी या चित्रपटाचे दिग्दर्शन केल्यामुळे या चित्रपटाची वेगळीच चर्चा आहे. या चित्रपटाचा टिझर आणि पोस्टर रिलिज झाल्यानंतर चाहते खुपच उत्सुक आहेत. त्यानंतर या चित्रपटाची दोन गाणी रिलिज झाली आहे.

या गाण्याना प्रेक्षकांनी भरभरुन प्रेम दिलं. आता रणबीर कपुरचा एक व्हिडिओ सध्या सोशल मिडियावर व्हायरल होत आहे. हा व्हिडिओ चंदीगड कॉन्सर्टमधील आहे ज्यात अरिजित सिंग गाणे गाताना दिसत आहे. 'अ‍ॅनिमल' चित्रपटासाठी एका कॉन्सर्टचे आयोजन करण्यात आले होते.

चंदीगड कॉन्सर्टमध्ये अरिजित सिंगने आपल्या आवाजाने सर्वांची मने जिंकली. अरिजितने आपल्या आवाजाने तरुणाईला थिरकायला भाग पाडले.

या कॉन्सर्टमध्ये अरिजित सिंहने चित्रपटातील 'सतरंगा' गाण्यावर परफॉर्म करत होता. अरिजित गाणे गात असतानाच रणबीर कपूर स्टेजवर आला.

त्यानंतर अरिजित सिंगला पाहताच रणबीर कपूरने त्याच्यासमोर डोकं टेकवलं. यावेळी रणबीर अरिजितच्या पायांना स्पर्श करताना दिसत आहे. रणबीरचा आदर पाहिल्यानंतर अरिजितनेही त्याला मिठी मारली.

सध्या दोघांचा हा व्हिडिओ सोशल मिडियावर व्हायरल झाला आहे. नेटकरी दोघांच्या या कृतीचे कौतुक करत आहेत. यावेळी रणबीर कपूरने अरिजित सिंगच्या कॉन्सर्टमध्ये सामील होऊन चन्ना मेरेया गाण्यावर जोरदार डान्स केला.

या कॉन्सर्टमध्ये अरिजित सिंगने रणबीर कपूरसाठी चन्ना मेरेया, ए दिल है मुश्किल, सतरंगा आणि केसरिया अशी गाणी गायली आहेत. या कॉन्सर्टचे व्हिडिओ सोशल मिडियावर व्हायरल होत आहे.

सध्या रणबीर कपुर त्याच्या अ‍ॅनिमल चित्रपटाच्या प्रमोशमध्ये व्यस्त आहेत. संदीप रेड्डी वंगा दिग्दर्शित या चित्रपटात रश्मिका मंदान्ना, अनिल कपूर आणि बॉबी देओल यांच्याही भूमिका आहेत. हा चित्रपट 1 डिसेंबर रोजी हिंदी, तेलगू, तामिळ, कन्नड आणि मल्याळम भाषेत प्रदर्शित होणार आहे. गेल्या अनेक दिवसापासून या चित्रपटाची सोशल मिडियावर क्रेझ आहे.