रणबीर कपूरच्या डुप्लिकेटचं निधन, हुबेहुब चेहरा पाहून ऋषी कपूर देखील झालेले हैराण

मुंबई-  प्रसिद्ध काश्मिरी मॉडेल जुनैद शाह याचं निधन झालं आहे. जुनैद शाह बॉलीवूड अभिनेता रणबीर कपूरसारखा हुबेहुब दिसण्यामुळे खूप चर्चेत असायचा. जुनैद शाह अभिनेता रणबीर कपूर सारखाच दिसायचा. नुकतंच त्याचं निधन झाल्याची दुःखद बातमी येतेय. श्रीनगर येथे इलाही बागमधील त्याच्या राहत्या घरी हृदयविकाराच्या झटक्याने त्याचं निधन झालं. याची माहिती काश्मिरचे प्रसिद्ध पत्रकार यूसुफ जुनैद यांनी दिली आहे.

हे ही वाचा: अभिनेता सोनू सूदने महाराष्ट्र पोलिसांना दिली 'ही' भेट, गृहमंत्र्यांनी मानले आभार

पत्रकार यूसुफ जुनैद यांच्या त्यांच्या ट्विटरवरुन ही माहिती दिली आहे. त्यांनी ट्विट करुन सांगितलं आहे की, 'रात्री उशीरा आमचे शेजारी निसार अहमद शाह यांचा मुलगा जुनैद शाह याचं हृदयविकाराच्या झटक्याने निधन झालं. लोक त्याला बॉलीवूड अभिनेता रणबीर कपूरचा डुप्लिकेट म्हणायचे.'

जुनैद शाह रणबीर कपूरचा डुप्लिकेट म्हणून खूप प्रसिद्ध होता. यामुळेच सोशल मिडियावर देखील त्याच्या चाहत्यांची संख्या चांगलीच मोठी होती. जुनैद शाह देखील रणबीर कपूरची स्टाईल आणि त्याचा पेहराव या गोष्टींना फॉलो करायचा.

आश्चर्याची बाब म्हणजे खुद्द रणबीर कपूरचे वडिल आणि दिवंगत अभिनेते ऋषी कपूर यांनीही सोशल मिडियावर जुनैद शाहचं कौतुक केलं होतं.  २०१५ साली दिवंगत अभिनेते ऋषी कपूर यांनी मुलगा रणबीर कपूर आणि जुनैद शाह याच्या फोटोचं कोलाज त्यांच्या ट्विटर अकाऊंटवरुन शेअर केलं होतं. ज्यामध्ये त्यांनी जुनैद शाहचं कौतुक केलं होतं.

ऋषी कपूर यांनी त्यांच्या ट्विटमध्ये लिहिलं होतं, 'अरे देवा माझ्या मुलाचा डुप्लिकेट, विश्वासंच बसत नाहीये. एक चांगला डुप्लिकेट. ' 

२००७ साली रणबीर कपूरने सावरिया या सिनेमातून सिनेसृष्टीत पदार्पण केलं होतं. तेव्हा त्याचा डुप्लिकेट जुनैद शाह कॉलेजमध्ये शिकत होता. हा सिनेमा रिलीज झाल्यानंतर लोक जुनैदला रणबीर कपूरचा डुप्लिकेट म्हणू लागले. जुनैद शाहने काश्मिर युनिवर्सिटीमधून एमबीए केलं होतं. त्यानंतर त्याने मॉडेलिंग सुरु केली होती.   

ranbir kapoor look alike junaid shah passes away due to cardiac arrest