बालकलाकार Saisha Bhoir च्या आईला पोलिसांनी घेतलं ताब्यात, फसवणुकीचा गुन्हा दाखल, वाचा संपूर्ण प्रकरण

Saisha Bhoir Mother Arrested News: रंग माझा वेगळा या मालिकेतून लोकप्रिय झालेली आणि सध्या नवा गडी नवं राज्य मालिकेतून लोकप्रिय झालेली बालकलाकार साईशा भोईर हिची पूजा भोईर हिला अटक करण्यात आलीये.

पूजावर फसवणुकीचा आरोप दाखल झाला असून पूजाने एका जोडप्याला १६ लाखांचा गंडा दिल्या प्रकरणी पोलिसांनी ताब्यात त्यांना पोलिसांनी ताब्यात घेतलंय. यामुळे बालकलाकार साईशा पुढे मालिकेत काम करणार की नाही? यावर प्रश्नचिन्ह उपस्थित झालंय.

(rang maza vegla fame Child actor Saisha Bhoir mother arrested by police, case of fraud registered)

काय आहे नेमकं प्रकरण?

कुलाबा इथं राहणाऱ्या एका दाम्पत्याला पूजा भोईर हिनं तिच्या कंपनीत गुंतवणूक करण्यास सांगितलं. त्यांनी गुंतवणूक केल्यानंतर मात्र परतावा परत देण्याची वेळ आली तेव्हा, आकडता हात घेतला.

या दाम्पत्याला तब्बल १६ लाखांना गंडा घातल्याचा आरोप पूजा भोईर हिच्यावर करण्यात आलाय. हे प्रकरण पोलिसांपर्यंत पोहोचल्यानंतर पूजा भोईर हिच्यावर गुन्हा दाखल करण्यात आलाय. पूजा कदम- भोईर हिला कफ परेड पोलिसांनी ताब्यात घेतल्याचं समोर आलं .

आरोपी पूजा भोईर हिला काल अटक करण्यात आली आहे. 'ती सध्या पोलिस कोठडीत आहे," असं वरिष्ठ पीआय राजेंद्र रणमाळे यांनी सांगितलं आहे.

साईशाच्या आईला अटक झाल्यामुळे साईशाच्या मालिकेतील करियरवर परिणाम होणार का अशी शक्य वर्तवली जात आहे. लहान वयात साईशासाठी आईला अटक होणं ही फार मोठी घटना आहे.

साईशा सध्या नवा गडी नवं राज्य मालिकेत अभिनय करतेय. साईशाच्या कामावर या गोष्टीचा कोणताही परिणाम होणार नाही.

सेटवर तिच्याशी याबाबत बोलणे टाळलं जात आहे. तिच्या शुटिंगवर या घटनेचा कोणताही परिणाम होणार नाही, याची खबरदारी घेतली जात आहे.