RRR 2 Big Update: राजामौलींच्या वडिलांनी दिली 'RRR 2' बद्दल मोठी अपडेट! 'या' देशात होणार शूटिंग सुरु..

RRR 2 Big Update: दक्षिण चित्रपटसृष्टीतील दिग्गज दिग्दर्शक एसएस राजामौली यांचा 'आरआरआर' हा चित्रपट ऐतिहासिक ठरला. या चित्रपटाने जगातील सर्वात मोठा चित्रपट पुरस्कार ऑस्कर 2023 मध्ये डंका वाजवला. हा चित्रपट ब्लॉकबस्टर हिट ठरला.

त्यामुळे या चित्रपटाची क्रेझ चाहत्यांमध्ये वाढली. चित्रपटाचे यश पाहून निर्मात्यांनी त्याचा सिक्वेल जाहीर केला आहे. तेव्हापासून चाहते या चित्रपटाबद्दल येणारे अपडेट जाणुन घेण्यासाठी उत्सूक आहेत. आता राजामौली यांच्या आरआरआरच्या सिक्वेलबाबत आणखी एक मोठी अपडेट समोर आली आहे.

मीडिया रिपोर्ट्सनुसार सध्या 'RRR 2' या चित्रपटाच्या स्क्रिप्टवर निर्माते आणि लेखक काम करत आहेत. आता या चित्रपटाच्या शुटिंगबद्दल अपडेट समोर आली आहे. या चित्रपटाच्या दुसऱ्या भागाचे शुटिंग आता आफ्रिकेत सुरु होत आहे.

एसएस राजामौली यांचे वडिल विजयेंद्र प्रसाद यांनी खुलासा करत सांगितले होते की, या चित्रपटाच्या सिक्वेलची कथा आफ्रिकेत सुरू होईल. 'RRR' चित्रपट प्रदर्शित झाल्यानंतर, त्यांनी सीताराम राजू आणि कोमाराम भीम यांच्यासोबत ही स्टोरी आफ्रिकेत दाखवतील असा सिक्वेल बनवण्यात येइल. आता सध्या स्क्रिप्टवर काम सुरु आहे.

या मुलाखतीत विजयेंद्र प्रसाद यांनी हे देखील सांगितले की, त्याचा मुलगा म्हणजेच दिग्दर्शक एसएस राजामौली सध्या साउथस्टार महेश बाबूसोबत चित्रपटाच शुटिंग करत आहे. तो चित्रपट पुर्ण झाल्यानंतरच ते RRR 2 वर काम करणार आहे.

पुढे ते म्हणतात की त्यांना त्यांच्या मुलाचा स्वभाव चांगल्याप्रकारे माहित आहे. जो पर्यंत महेशसोबतच्या चित्रपट पुर्ण करत नाही तोपर्यंत राजामौली दुसऱ्या चित्रपटाकडे म्हणजेच RRR 2 कडे लक्ष देणार नाही. राजामौली आणि दोन्ही हिरोंना या चित्रपटाची स्क्रिप्ट आवडली की चित्रपटाचं शुटिंग सुरु करणार आहे.

गेल्या काही दिवसांपुर्वीच दिग्दर्शक राजामौली यांनी चाहत्यांना सांगितलं होतं की त्यांचे वडिल विजयेंद्र प्रसाद हे या चित्रपटाच्या स्क्रिप्टवर काम करत आहेत. त्यानंतर ते RRR 2 चं शुटिंग सुरु करतील. या चित्रपटाने कमाईचे सर्व रेकॉर्ड मोडले होते. या चित्रपटाने 1200 कोटींच्या वर कमाई केली होती. आता प्रेक्षक या चित्रपटाच्या दुसऱ्या भागासाठी उत्सूक आहेत.