Rubina Dilaik Accident: प्रसिद्ध अभिनेत्रीच्या गाडीला अपघात.. नवऱ्यानं दिली हेल्थ अपडेट..

Rubina Dilaik Accident: मनोरंजन विश्वातून एक धक्कादायक बातमी समोर आली आहे. हिन्दी मनोरंजन विश्वातील प्रसिद्ध अभिनेत्री रुबिना दिलैक हिचा अपघात झाला आहे. तिच्या गाडीला मोठी धडक बसली असून तिच्या पतीने यासंदर्भात ट्विट करत माहिती दिली आहे.

या अपघता संदर्भात रुबिनाचा पती म्हणजेच अभिनेता अभिनव शुक्लाने सोशल मीडियाच्या माध्यमातून माहिती दिली आहे. या अपघताचा फोटो शेयर करत त्याने एक ट्विट केले आहे. तसेच रुबिनाच्या प्रकृतीचीही माहिती दिली आहे. शिवाय या अपघाता संदर्भात कारवाईची मागणी देखील अभिनव शुक्ला याने केली आहे.
(Rubina Dilaik Meets With Car Accident, Husband Abhinav Shukla Provides health Update)

विशेष म्हणजे या अपघतात रुबिनाला कोणीतही इजा झालेली नाही. अभिनवने रुबीनाची प्रकृती ठीक असल्याचेही सांगितले आहे. मात्र रुबिनाचा चाहतावर्ग प्रचंड मोठा असल्याने तिच्या अपघताच्या बाटमिने तिचे चाहते चिंतेत पडले आहेत.

अभिनव शुक्लाने एक ट्विट केले आहे, ज्यामध्ये अपघत झाल्यानंतरचे गाडीचे फोटो शेयर केले आहेत. सोबत लिहिले आहे की, 'जे आमच्यासोबत घडलं ते तुमच्यासोबतही घडू शकतं. फोनवर बोलत ट्रॅफिक लाइट जंप करणाऱ्या मूर्खांपासून सावध रहा. याबाबत सविस्तर माहिती मी देईनच..'

'या अपघतावेळी रुबिना गाडीतच होती, पण सध्या ती ठीक आहे. तिला उपचारांसाठी डॉक्टर कडे घेऊन गेलो होतो. पण माझी मुंबई पोलिसांना विनंती आहे की, या अपघातातील दोषींवर कठोर कारवाई करावी.'

अभिनवच्या या ट्विटला उत्तर देताना मुंबई पोलिसांनी लिहिले की, 'ज्या ठिकाणी घटना घडली त्या ठिकाणच्या जवळच्या पोलिस स्टेशनला या अपघाताची माहिती द्या'

रुबिना दिलैक ही टीव्ही जगतातील सुप्रसिद्ध अभिनेत्री आहे. तिने 'छोटी बहु' या मालिकेद्वारे अभिनयविश्वात पदार्पण केलं होतं. याशिवाय तिने 'बिग बॉसच्या १४' जिंकलं होतं. तसेच 'खतरों के खिलाड़ी 12', 'झलक दिख लाजा' मध्ये देखील ती सहभागी झाली होती.