Sai Tamhankar: बॉयफ्रेंडचा फोटो दाखवताच सई ताम्हणकर लाजली.. निलेश साबळेने सगळंच सांगून टाकलं..

Sai Tamhankar Video: मराठी मनोरंजन विश्वातील प्रसिद्ध अभिनेत्री म्हणुन सई ताम्हणकरचं नाव नेहमीच आघाडीवर असतं. ती नेहमीच वेगळेपणासाठी ओळखली जाते. तिनं मराठी मनोरंजनसृष्टीबरोबरच बॉलिवूडमध्येही धमाकेदार अभिनयानं प्रेक्षकांची मनं जिकंली आहे.

आता ती केवळ मराठी पुरती सीमित राहिलेली नाही, ती हिंदीतही दमदार अभिनय करून सर्वांना चकित करत आहे. तिच्या मिमि या चित्रपटासाठी तिला नुकतचं सर्वोत्कृष्ट सहाय्यक अभिनेत्रीच्या पुरस्कारानं गौरविण्यात आले होते.

सई ही अभिनयाबरोबरच सोशल मिडियावरही सक्रिय असते. ती नेहमीच चाहत्यांच्या संपर्कात राहते. नेहमी काही ना काही पोस्ट करते. तिच्या चाहत्यांनाही तिच्याबद्दल जाणुन घेण्याची उत्सुकता असतेच.

गेल्या काही तिच्या अफेअरच्या चर्चा पुन्हा सुरु झाल्या आहेत. त्याच पार्श्वभूमीवर झी चित्र गौरव सोहळ्यात एक दमदार बातमी सांगितली गेली.. ती एक अभिनेता सई ताम्हणकरच्या प्रेमात वेडा झाला आहे.

(sai tamhankar dating bhau kadam comedy video in zee chitra gaurav award)

नुकतंच एका कार्यक्रमात सईवर प्रेम असल्याची एका प्रसिद्ध कलाकाराने कबुली दिली आणि सई लाजून लाल झाली. हा व्हिडिओ सध्या सोशल मीडियावर बराच व्हायरल होत आहे.

झाले असे की, येत्या रविवारी २६ मार्चला ‘झी चित्र गौरव पुरस्कार’ सोहळा रंगणार आहे. या पुरस्कार सोहळ्याची थीम ‘चर्चा रंगणार बातमी गाजणार’ अशी आहे. नुकतंच सई ताम्हणकरचा एक व्हिडीओ ‘झी मराठी’ने शेअर केला आहे.

या व्हिडीओत निलेश साबळे हा सई ताम्हणकरबद्दलची एक बातमी सांगतो. तो म्हणतो, सई ताम्हणकरचं या अभिनेत्याबरोबर सुरु आहे रिलेशन.. हे ऐकून सई जरा घाबरतेच.. पण नंतर स्क्रीनवर सई आणि त्या अभिनेत्याचा फोटो दाखवण्यात येतो तर त्या मध्ये भाऊ कदमचा फोटो असतो.

भाऊचा फोटों पाहून सई लाजते आणि हसते. . यावेळी निलेश साबळे त्या दोघांचे आणखी काही फोटोही स्क्रीनवर दाखवतो आणि म्हणतो 'चला हवा येऊ द्या'च्या सेटवर झाली होती दोघांची मैत्री, भाऊने दिली आहे प्रेमाची कबुली... '

पुढे नीलेश म्हणतो, सई भाऊ सोबत त्याच्या चार मुलांचीही जबाबदारी घ्यायला तयार आहे. हे ऐकताच  सईला हसू अनावर होतं. हा व्हिडिओ सध्या सोशल मीडियावर चांगलाच गाजत आहे.