Saif Ali Khan: लहान मुलं आहेत अन् तुम्ही... सैफ अली खानचा राग अनावर, व्हिडीओ व्हायरल

Saif Ali Khan News: सैफ अली खान आणि करीना कपूर खान हे सोशल मीडियावर चर्चेतील कपल. अनेकदा सोशल मीडियावर सैफ - करीना आणि त्याच्या कुटुंबाची चर्चा असते. सैफ - करीना आणि त्यांची मुलं तैमूर, जेह यांचे फोटो काढण्यासाठी मीडिया उत्सुक असते.

पण नुकताच एक किस्सा घडलाय त्यामुळे सैफ अली खान पापाराझीवर भडकला आहे. काय घडलंय नेमकं बघूया...

खरं तर, पापाराझींचा एक ग्रुप कायमच सैफ - करीनाच्या घराबाहेर त्यांचे फोटो काढण्यासाठी सज्ज असतो. मात्र नुकताच एक किस्सा घडलाय ज्यामुळे सैफ पापराझींवर भडकला आहे.

अलीकडे, मीडिया जेहच्या फुटबॉल सामन्यासाठी गेली होती. सामना संपल्यावर सैफ बाहेर आला आणि मीडियाला पाहताच नाराज झाला. समोर आलेल्या एका व्हिडिओमध्ये सैफ जेहसोबतचा सामना संपल्यानंतर बाहेर येत होता. तोच प्रसारमाध्यमांनी फोटो काढण्यास सुरुवात केली.

सैफला हे पाहिल्यावर चांगलाच राग आला. "एका छोट्या फुटबॉल सामन्याचा तुम्ही फिल्म इव्हेंट करु नका.", असं म्हणत त्याचा राग अनावर झाला.

याशिवाय सैफने त्यांना आठवण करून दिली की, ही त्यांच्या मुलाची खाजगी वेळ आहे आणि मीडियाने त्याचा आदर केला पाहिजे.

दुसरीकडे, करीना कपूर खान मीडियाला पाहून खूश झाली आणि जेहसोबत तिच्या कारमधून निघून गेली.