Saleel Kulkarni: "बालवाडीत शाळेतला रुमाल ते आज..!", राष्ट्रीय पुरस्कार स्वीकारताना सलील कुलकर्णींनी शेअर केला खास क्षण

Saleel Kulkarni Share Mother News: सलील कुलकर्णी हे मराठी मनोरंजन विश्वातील सुप्रसिद्ध गायक - संगीतकार. सलील कुलकर्णींनी आजवर अनेक गाणी गाऊन आणि गाण्यांना चाली देऊन जाणकार रसिक प्रेक्षकांना मंत्रमुग्ध केलं.

सलील कुलकर्णींना काहीच दिवसांपुर्वी राष्ट्रीय पुरस्काराने सन्मानित करण्यात आलं. यावेळी सलील कुलकर्णींनी त्यांच्या आईचा खास क्षण शेअर केलाय.

(saleel kulkarni share special photo of national awards with mother)

आईने सलील कुलकर्णीसाठी केली ही खास गोष्ट

सलील कुलकर्णींनी सोशल मीडियावर एक फोटो शेअर केलाय. यात त्यांची आई त्यांच्या कोटाला राष्ट्रीय पुरस्काराचा बॅच लावताना दिसतेय.

हा फोटो शेअर करुन सलील कुलकर्णी लिहीतात, "बालवाडीत शाळेत जाताना तिने माझ्या शर्टाला pin up केलेला रूमाल ते ... राष्ट्रीय पुरस्कार सोहळ्याला लावलेला हा विशेष batch …
सगळं अगदी तसंच आहे ... तिच्या डोळंयातलं कौतुक आणि माझं तिला “ आई ..हे करून दे ना “ हे सांगणं"

सलील कुलकर्णींच्या या फोटोवर त्यांच्या चाहत्यांनी कमेंट केल्या आहेत. (Latest Marathi News)

सलील कुलकर्णींच्या सिनेमाला राष्ट्रीय पुरस्कार

सलील कुलकर्णी यांना ६९ व्या राष्ट्रीय पुरस्कार सोहळ्यात सन्मानित करण्यात आले. राष्ट्रीय पुरस्कार सोहळ्यात सर्वोत्कृष्ट मराठी सिनेमा या वर्गवारीत सलील कुलकर्णी दिग्दर्शित एकदा काय झालं सिनेमाला पुरस्कार मिळाला.

या सिनेमात सुमीत राघवन, उर्मिला कोठारे, पुष्कर श्रोत्री, मोहन आगाशे, सुहास जोशी या मराठी कलाकारांनी अभिनय केलाय. या सिनेमासाठी डॉ. सलील कुलकर्णींना राष्ट्रीय पुरस्कार मिळाला