Salman Khan: मुलींनी सेटवर कसे कपडे घालायचे या नियमावर सलमान खानने सोडले मौन, म्हणाला- 'महिलांचं शरीर जितकं...'

बॉलीवूडच्या दबंग म्हणजेच सलमान खानचा मल्टीस्टारर चित्रपट 'किसी का भाई किसी की जान'मधून डेब्यू करणाऱ्या पलक तिवारीने काही काळापूर्वी एक वक्तव्य केले होते, ज्याची बरीच चर्चा झाली होती. पलकने खुलासा केला होता की, सलमान खानच्या चित्रपटाच्या सेटवर मुलींना डीप नेकलाइन घालण्यावर बंदी आहे. या वक्तव्यामुळे सलमान खानही वादात सापडला आहे. आता सल्लू मियाँने यावर मौन तोडले आहे.

पलक तिवारीने सलमान खानबद्दलच्या तिच्या विधानावर नंतर माघार घेतली असली तरी, सलमान खानच्या ताज्या मुलाखतीवरून असा अंदाज लावला जाऊ शकतो की भाईजानला डीप नेकलाइन कपडे घातलेल्या मुली आवडत नाहीत. एका वृत्तवाहिनीशी संवाद साधताना सलमान खान म्हणाला, “मला वाटते की महिलांचे शरीर खूप मौल्यवान असते. महिलांचं शरीर जितकं झाकलेलं तितकंच योग्य आहे…’

सलमान खानला जेव्हा विचारण्यात आले की, 'प्यार किया तो डरना क्या' चित्रपटातील 'ओ ओ जाने जाना' गाण्यात तो शर्टलेस दिसला होता. यावर अभिनेता म्हणाला, “त्यावेळी मी स्विमिंग ट्रंकमध्ये होतो आणि तेव्हा गोष्टी वेगळ्या होत्या आणि आजकालचे वातावरण थोडे वेगळे आहे. हे पोरांचे प्रकरण आहे. मुलं ज्याप्रमाणे मुलींकडे पाहतात… आपल्या बहिणी, पत्नी, आणि आईसाठी बिलकूल योग्य नाही…’

21 एप्रिल 2023 रोजी रिलीज झालेला सलमान खानचा चित्रपट 'किसी का भाई किसी की जान' बॉक्स ऑफिसवर चांगली कमाई करत आहे. सुरुवातीच्या आठवड्यात चित्रपटाचे कलेक्शन चांगले होते, पण आता कमाई खूपच घसरली आहे.