Salman Khan: सलमान पुढं विकीला कुणी विचारेना.. असं काय घडलं? तुम्हीच बघा; व्हिडिओ व्हायरल..

iifa 2023 salman khan and vicky kaushal: सध्या बॉलीवुडमध्ये लगबग आहे आयफा पुरस्कार सोहळ्याची ''IIFA 2023''.. हा अत्यंत बहुमानाचा सोहळा लवकरच दुबई येथे पार पडणार आहे. या सोहळ्याच्या निमित्ताने बॉलीवुड मधले तारे दुबई मध्ये दाखल होत आहेत. अशातच एक वादग्रस्त व्हिडिओ समोर आला आहे.

आयफा सोहळ्याच्या दरम्यान होणाऱ्या भेटीगाठी कायमच चर्चेत असतात. यावेळी अभिनेता विकी कौशल आणि सलमान खान एकमेकांच्या समोर आले. यावेळी असं काही झालं की वरून आता चांगलीच चर्चा रंगली आहे.

(Salman Khan's Security Pushes Vicky Kaushal Away at IIFA; shocking Video Viral)

या व्हिडिओ मध्ये विकी कौशल उभा असतो त्याच्या सोबत काही मंडळी असतात आणि अचानक समोरून बॉलीवुडचा भाईजान सलमान खान येतो. सलमान सोबत बरेच बॉडीगार्ड, कॅमेरा पर्सन असा मोठा लवाजमा असतो.

सलमानला पाहून विकी थांबतो आणि सलमानला हाय-हॅलो करतो. एवढच नाही तर विकी सलमानशी बोलण्याचाही प्रयत्न करतो. पण सलमान मात्र त्यांच्याशी काहीही न बोलता, त्याच्याकडे दुर्लक्ष करून निघून जातो.

एवढेच नाही तर यावेळी सलमान (salman khan) सोबत असणारे बॉडीगार्ड आणि इतर मंडळी विकिला धक्का देत पुढे जातात. एखाद्या अनोळखी माणसाला मिळावी तशी वागणूक विकिला सलमान कडून मिळाल्याचे या व्हिडिओ मध्ये दिसत आहे.

ही व्हिडिओ सध्या बरीच चर्चेत असून कुणी सलमान खान च्या रुबाबाचे कौतुक करत आहे तर कुणी त्यावर टीका करत आहे. विकीचे (vicky kaushal) चाहते मात्र हा व्हिडिओ पाहून नाराज झाले आहेत.