Samantha Ruth Prabhu: 'सिटाडेल' मध्ये रंगणार समंथाची वरुण धवनसोबत जोडी

जेव्हा जेव्हा साऊथ सिनेसृष्टीतील दिग्गज अभिनेत्रीची चर्चा होते तेव्हा समंथा रुथ प्रभूचे नाव टॉप लिस्टमध्ये येते. सामंथाला वेगळ्या ओळखीची गरज नाही, अभिनेत्री समंथा रुथ प्रभू हिची ‘सिटाडेल’ या वेब सीरिजमध्ये एन्ट्री झाली आहे. अभिनेता वरुण धवनसोबत या सीरिजमध्ये समंथा मुख्य भूमिकेत दिसणार आहे. तसेच सध्या ‘शाकुंतलम’ या चित्रपटामुळे समंथा चर्चेत आहे. रुसो ब्रदर्सच्या हॉलिवूड वेब सीरिज 'सिटाडेल'च्या भारतीय व्हर्जनमध्ये समंथाची वर्णी लागली आहे. नुकतीच याची अधिकृत घोषणा करण्यात आली.

इन्स्टाग्राम अकाऊंटवर Amazon Prime Video याची घोषणा केली आहे. तसेच या सीरिजमधील समंथाचा एक लूकही आपल्याला पाहायला मिळत आहे. लेदर जॅकेट, सनग्लासेस आणि ब्लॅक जीन्समध्ये एखाद्या रॉ एजंटसारखी समंथा दिसत आहे. समंथाच्या या फोटोच्या कॅप्शनमध्ये लिहिले आहे की, 'मिशन सुरू झाले आहे. आम्ही सिटाडेलचे भारतीय व्हर्जनसाठी तयार आहोत.’ मात्र, अभिनेत्री समंथाचा हा लूक सीरिजमधील आहे की, प्रमोशनल हे अद्याप गुलदस्त्यात ठेवण्यात आले आहे.

लोकप्रिय हॉलिवूड ‘सिटाडेल’ या सीरिजच्या भारतीय व्हर्जनची घोषणा आधीच करण्यात आली होती. तसेच अभिनेता वरुण धवनसोबत गेल्या महिन्याच्या सुरुवातीला वेब सीरिजचे शूटिंगही सुरू करण्यात आले होते. सिटाडेल या सीरिजमध्ये वरुण धवन सोबत समंथाची जोडी जमणार आहे.

तसेच या सीरिजबद्दल बोलताना अभिनेत्री समंथा म्हणाली की , ‘द फॅमिली मॅन २ मध्ये काम केल्यानंतर या टीममध्ये सामील होणे माझ्यासाठी घरी परत आल्यासारखेच आहे. मला वरुणसोबत देखील पहिल्यांदाच काम करायला मिळत आहे.’

सिटाडेल सीरिजमध्ये समंथा एक वेगळ्या भूमिकेत पाहायला मिळणार आहे. मात्र, ‘सिटाडेल’च्या या भारतीय व्हर्जनचे नाव निश्चित झाले नसून, लवकरच त्याची घोषणा होणार आहे.