Samantha Ruth Prabhu: 'सकाळी उठल्यावर माझे डोळे सुजलेले असायचे...' ,आजारातून बाहेर पडणे सामंथासाठी सोपे नव्हते

दाक्षिणात्य ते बॉलीवूडपर्यंत आपले अभिनय कौशल्य दाखवणारी अभिनेत्री सामंथा रुथ प्रभू सध्या तिच्या 'शाकुंतलम' चित्रपटाच्या प्रमोशनमध्ये व्यस्त आहे. यादरम्यान सामंथाने आजारपणात तिला झालेल्या वेदनांची कहाणी सांगितली. सामंथाला मायोसिटिस नावाचा आजार आहे ज्यामध्ये संपूर्ण शरीर सुजते. सामंथा म्हणाली की, कलाकारासाठी यापेक्षा वाईट काहीही असू शकत नाही.

तिच्या आजाराबद्दल आणि त्याच्या दुष्परिणामांबद्दल सांगताना, सामंथा म्हणाली, 'कधी कधी माझे शरीरावर सूज यायची... मी अचानक लठ्ठ व्हायचे... काही दिवस मी खूप आजारी व्हायचे. माझ्या आजारावर माझे नियंत्रण नव्हते. अभिनेत्याचे डोळे हाव-भाव व्यक्त करण्यासाठी असतात, पण सकाळी उठल्यावर माझे डोळे सुजलेले असायचे.

मी फक्त फॅशनसाठी चष्मा घालत नाही, मला जास्त प्रकाशाचा त्रास होतो. मला मायग्रेन देखील आहे, परंतु त्यावेळी मी चष्मा देखील घालू शकत नव्हते. माझ्या डोळ्यात खूप वेदना होत होत्या आणि 8 महिने ते असेच होते. हे सर्व माझ्यासाठी सोपे नव्हते. कोणत्याही कलाकारासाठी ही सर्वात वाईट गोष्ट असेल.

या आजाराने तिच्या संपूर्ण शरीरावर कसा परिणाम झाला हे सामंथाने सांगितले. अभिनेता म्हणून तुमच्याकडून नेहमीच तंदुरुस्त असणे अपेक्षित असते. तुमच्या चित्रपटांमध्ये परिपूर्णता असली पाहिजे. तुमच्या इंस्टाग्रामवर परिपूर्णता असावी. जे काही कराल त्यात परफेक्शन असले पाहिजे. सुरुवातीला मीही ते मान्य केले. मला नेहमीच चांगले करायचे होते. शेवटी, मी आता त्या स्थितीत आहे जिथे मी या सर्व गोष्टींवर नियंत्रण ठेवले आहे.

सामंथाला गेल्या वर्षी तिच्या आजाराची माहिती मिळाली. तिला मायोसिटिस नावाचा दुर्मिळ आजार आहे. यासाठी सामंथाने खूप मोठा ब्रेक घेतला होता. समंथा सध्या तंदुरुस्त आहे आणि तिच्या आगामी 'शाकुंतलम ' चित्रपटाच्या प्रमोशनमध्ये व्यस्त आहे. या चित्रपटात सामंथाने मेनका आणि विश्वामित्र यांची मुलगी शाकुंतलमची भूमिका साकारली आहे. हा चित्रपट 14 एप्रिलला हिंदी, तमिळ, मल्याळम आणि कन्नड भाषेत प्रदर्शित होणार आहे.