Srk : 26/11 हल्ल्यातील शहिदांना 'किंग खान'ची आदरांजली; कुटुंबियांना मिठी मारून केलं सांत्वन

काल २६/११ हल्ल्यात शहीद झालेल्या वीरांच्या सन्मानार्थ गेटवे ऑफ इंडियामध्ये खास कार्यक्रम आयोजित केला होता. या सोहळ्यात बॉलिवूड इंडस्ट्रीमधले अनेक सेलिब्रिटी सहभागी होते.

२६/११ च्या हल्ल्याला १४ वर्ष पूर्ण झाली. त्यानिमित्ताने शहीदांच्या सन्मानार्थ खास कार्यक्रमाचं आयोजन करण्यात आलं होतं. त्यावेळी शाहरुखने शहीदांच्या कुटुंबाचं सांत्वन केलं.

मुंबईतील गेट वे ऑफ इंडिया येथे शहीद जवानांच्या स्मरणार्थ एका कार्यक्रमाचे आयोजन करण्यात आले होते. या कार्यक्रमाला अमृता फडणवीस, शरद केळकर, शिव ठाकरे सहभागी होते

गेटवे ऑफ इंडियाला आयोजित कार्यक्रमात बॉलिवूडचा बादशाह शाहरुख खान शहीद जवानांना श्रद्धांजली वाहण्यासाठी उपस्थित राहिला.

शाहरुखचा एक व्हिडिओ सोशल मीडियावर समोर आला असून, तो व्हायरल होत आहे. व्हायरल झालेल्या या व्हिडिओमध्ये शाहरुख खान त्याच्या मॅनेजर आणि सुरक्षा रक्षकासह येथे पोहोचला होता.

दरम्यान किंग खानने तेथील अनेक महिलांना हात जोडून अभिवादन केले आणि त्यांच्याशी बोलताना दिसला. याशिवाय शहीद कुटुंबाला मिठी मारुन त्याने पाठबळ दिले. त्याचा हा व्हिडिओ सोशल मीडियावर चांगलाच व्हायरल होत आहे. किंग खानचा हा हावभाव चाहत्यांना खूप आवडला आहे.

शाहरुख खानच्या वर्क फ्रंटबद्दल बोलायचे झाले तर, सध्या तो त्याच्या बहुप्रतिक्षित चित्रपट डंकीमुळे चर्चेत आहे. राजकुमार हिरानी दिग्दर्शित या चित्रपटाची चाहते आतुरतेने वाट पाहत आहेत. हा चित्रपट 22 डिसेंबरला थिएटरमध्ये दाखल होण्यासाठी सज्ज आहे.