Shah Rukh Khan: अलाना पांडेच्या लग्नात शाहरुख खान झाला भावूक, मिठी मारून व्यक्त केले प्रेम, व्हिडिओ व्हायरल

बॉलिवूड अभिनेत्री अनन्या पांडेची चुलत बहीण अलाना पांडेच्या लग्नाच्या बातम्या सतत चर्चेत आहेत. अलानाने 16 मार्च रोजी लग्न केले, परंतु यादरम्यानचे व्हिडिओ आणि फोटो सतत व्हायरल होत आहेत.

अलानाच्या लग्नाला अनेक बॉलिवूड स्टार्सनी हजेरी लावली होती. यावेळी बॉलिवूडचा बादशाह शाहरुख खान पत्नी गौरी खानसोबत पोहोचला. अलानाला हसतं-खेळतं पाहून शाहरुख खान भावूक झाला.

सध्या सोशल मीडियावर एक व्हिडिओ व्हायरल होत आहे. या व्हिडिओमध्ये अलाना तिचा पती इव्होर मॅक्रे, शाहरुख खान आणि गौरी खानसोबत डान्स करताना दिसत आहे. त्यांच्या आजूबाजूचे प्रत्येकजण डान्स करत आहे.

यावेळी शाहरुख खान खूपच सुंदर दिसत होता. डान्सदरम्यान, सुपरस्टारने अलाना आणि इव्होरला प्रेमाने मिठी मारली. किंग खानने इव्हरला मिठी मारली आणि त्याच्या कपाळावर किस केली.

नवविवाहित जोडप्याला आशीर्वाद देताना शाहरुखने दोघांच्याही डोक्यावर हात ठेवला. त्यानंतर अलाना गौरी खानला मिठी मारते. शाहरुख खानच्या चाहत्यांना त्याचा हा व्हिडिओ खूपच आवडला आहे. किंग खानच्या या स्टाइलचे सगळेच कौतुक करत आहेत.

अलाना पांडे ही अभिनेता चंकी पांडेच्या भावाची मुलगी आहे. ती एक मॉडेल आणि सोशल मीडिया इन्फ्लुएंसर आहे. आणि तिचा नवरा इव्होर एक अमेरिकन फोटोग्राफर आणि व्हिडिओग्राफर आहे. दोघांनी एकमेकांना डेट केल्यानंतर लग्न करण्याचा निर्णय घेतला. या लग्नात अनन्याही सहभागी झाली होती.