Sharad Ponkshe: नथुरामचा कबुली जबाब का जाळला गेला? आज जयंती निमित्ताने पोंक्षेंची संतप्त पोस्ट..

Sharad Ponkshe : ''गांधी आणि गोडसे'' हा कायमच भारतात वादाचा मुद्दा राहिलेला आहे. नथुराम गोडसेने गांधींवर गोळ्या झाडून त्यांचा खून केला. त्यानंतर त्याला फाशीची शिक्षा सुनावण्यात आली. परंतु आजही हिंदुत्ववादी संघटनांकडून गांधींचा तिरस्कार केला जातो, तर नथुराम गोडसेचा जयजयकार केला होता.

अभिनेते शरद पोंक्षे याच हिंदुत्ववादी विचारधारेचे असल्याने ते कायमच नथुराम गोडसेच्या बाजूने भाष्य करतात. त्यांचे 'हे राम.. नथुराम' हे नाटक त्याचाच हे भाग होते. यामध्ये गांधी नथुरामच्या कृत्याचा पुरस्कार केला गेला होता. त्यामुळे हे नाटक बरेच वादात सापडले होते.

आज नथुराम गोडसे यांची जयंती.. या निमित्ताने अभिनेते शरद पोंक्षे यांनी एक व्हिडिओ शेयर केला आहे. ज्यामध्ये त्यांनी नथुरामचा कबुली जबाब का जाळला असा संतप्त प्रश्न विचारला आहे.

(Sharad Ponkshe shared video on nathuram godse jayanti birth anniversary)

आज नथुराम गोडसेचे जयंती. याच निमित्ताने शरद पोंक्षे यांनी एक विडिओ पोस्ट केला आहे. या व्हिडिओ मध्ये ''नथुरामचा कबुली जबाब का जाळला गेला?'' असा संतप्त सवाल केला आहे. सोबतच या व्हिडिओ मध्ये ते म्हणतात, ''नथुराम गोडसेने जेव्हा पहिल्या दिवशी त्यांची जबानी दिली आणि जज तिथून निघून गेले. त्यानंतर तिथे उपस्थित असलेले पत्रकार जेव्हा बाहेर आले तेव्हा त्यांच्यावर पोलिसांनी हल्ला केला, त्यांना घेराव घातला.''

पुढे पोंक्षे म्हणतात, ''त्यांच्या जवळ असलेले सगळे दस्तऐवज, नथुरामचा जबाब हिसकावून घेण्यात आला. एवढेच नाही त्यांना दमदाटी करून ते जाबनीचे सगळे कागद जाळण्यात आले. एवढेच नाही तर सर्व पत्रकारांना धमकावण्यात आले की, एक जरी शब्द नथुराम विषयी लिहाल तर तुमची काही खैर नाही. त्यानंतर नथुराम विषयी कधीही कोणत्या पेपरात छापुन आले नाही.'' अशी संतप्त पोस्ट किरण माने यांनी केली आहे.