Sheezan Khan: ‘इश्क में मरना अच्छा नहीं लगता...’ तुनिषा शर्माच्या मृत्यूनंतर शीझान खानची ही पोस्ट होतेय व्हायरल

तुरुंगातून सुटल्यानंतर शीजान खान सोशल मीडियावर खूप सक्रिय आहे. त्याची सहकलाकार आणि एक्स गर्लफ्रेंड तुनिषा शर्मा हिला आत्महत्येसाठी प्रवृत्त केल्याचा आरोप त्याच्यावर होता. अनेक महिने तुरुंगात राहिल्यानंतर गेल्या महिन्यातच त्याची तुरुंगातून सुटका झाली.

दरम्यान, तो आपल्या कौटुंबिक फोटो किंवा कवितांद्वारे सोशल मीडियावर मनातील गोष्ट शेअर करत असतो. अलीकडेच त्याने 'इश्क'वर एक पोस्ट शेअर केली आहे.

शीझान खानने नुकताच स्वतःचा एक फोटो शेअर केला . शीजनने लिहिले की, "इश्क में मरना अच्छा नहीं लगता है... इश्क में जीना है तो बात करो... जमाने से डरना, दूर जाना, टूट जाना इश्क में... हिम्मत हारना अच्छा नहीं लगता... हिम्मत बनना है तो बात करो... हाथ थामो एक बार... नजर मिलाओ तो हमसे... नाराजगी मिटानी है तो बात करो."

यापूर्वी शीझान खानने तुनिषासोबतच्या त्याच्या जुन्या आठवणी शेअर केल्या होत्या. तुनिषा शर्माने 24 डिसेंबर 2022 रोजी 'अली बाबा' शोच्या सेटवर गळफास घेऊन आत्महत्या केली होती.

वृत्तांवर विश्वास ठेवला तर तुनिशाने शीजानसोबत ब्रेकअप झाल्यानंतर हे पाऊल उचलले. तुनिषाच्या आत्महत्येला शिझान हाच जबाबदार असल्याचा आरोप तिच्या आईने केला होता. त्यानंतर पोलिसांनी शिझान खानला अटक केली होती. तेव्हापासून तो न्यायालयीन कोठडीत होता.