सहा महिन्यांपासून नर्स म्हणून कोरोना रुग्णांची सेवा करणारी 'ही' अभिनेत्री झाली कोरोना संक्रमित

मुंबई-  कोरोना संकटाच्या रोगराईमध्ये वेगवेगळ्या स्तरावर लोक मदतीसाठी एकत्र आले आहेत. या दरम्यान अभिनेत्री शिखा मल्होत्राने एक नर्स म्हणून हॉस्पिटलमध्ये सेवा केली. आता अशी माहिती समोर येतेय की शिखा कोविड-१९ ने संक्रमित झाली आहे. शिखा मल्होत्रा हॉस्पिटलमध्ये दाखल आहे आणि कोविडवर उपचार घेतेय.

हे ही वाचा: अशी सुरु झाली होती रेखा आणि मुकेश अग्रवाल यांची  लव्ह स्टोरी, मात्र शेवट झाला दुःखद  

शिखाने तिच्या पोस्टमध्ये लिहिलंय, 'कोरोना पॉझिटीव्ह झाल्यानंतर मी लगेचच हॉस्पिटलमध्ये दाखल झाली. आता ऑक्सीजनची कमतरता जाणवतेय. ही पोस्ट त्यांच्यासाठी आहे जे म्हणतात की कोरोना काहीच नाहीये. तुम्हा सगळ्यांच्या शुभेच्छा आणि प्रार्थनासोबत गेल्या सहा महिन्यांपासून सतत कोरोनाच्या रुग्णांच्या सेवेत होती. तुम्हा सगळ्यांच्या प्रार्थनांनी सहा महिन्यांपर्यंत मैदानात सुखी ठेवलं आणि माझा पूर्ण विश्वास आहे की तुम्हा सगळ्यांच्या आशिर्वादाने मी लवकरंच बरी होईन.'

शिखाने पुढे लिहिलंय, 'आत्तापर्यंत कोणतही वॅक्सिन तयार झालेली नाही. तुमची आणि तुमच्या जवळच्यांची काळजी घ्या. सोशल डिस्टंन्सिंग पाळा, मास्क वापरा, नियमित हात पाय धुवा. सॅनिटाईजरचा वापर करा, लक्षात ठेवा आणि दोन फुटांचं अंतर ठेवा. खूप प्रेम आणि सन्मानसाठी आभार, जय हिंद.'  

shikha malhotra serving infected patients now tests covid 19 positive