अभिनेता सोनू सूदनं सुरू केला उसाच्या रसाचा स्टॉल; व्हिडिओ होतोय व्हायरल I Sonu Sood | Sakal
sakal

बोलून बातमी शोधा

Actor Sonu Sood

कोरोना काळात जनमाणसांचा 'देवदूत' बनलेला अभिनेता सोनू सूद हा नेहमीच त्याच्या कामांमुळं चर्चेत असतो.

अभिनेता सोनू सूदनं सुरू केला उसाच्या रसाचा स्टॉल; व्हिडिओ होतोय व्हायरल

Sonu Sood : कोरोना संकट (Coronavirus) काळात जनमाणसांचा 'देवदूत' बनलेला अभिनेता सोनू सूद (Actor Sonu Sood) हा नेहमीच त्याच्या कामांमुळं चर्चेत असतो. कोरोना काळात लोकांना त्यांच्या गावी पोहचवण्यापासून आर्थिक मदत देण्यापर्यंत सोनूनं सर्वकाही केलं, त्यामुळं तो अचानक प्रकाशझोतात आला. सोनू सोशल मीडियावरही (Social Media) नेहमी सक्रिय असतो.

नुकताच सोनू शिर्डीला (Shirdi) गेला आहे. शिर्डीला असताना सोनूनं साईकृष्ण या दुकानाला (Saikrishna Shop) भेट दिली. या दुकानामध्ये चहा, उसाचा रस आणि इतर काही वस्तू विक्रीसाठी ठेवण्यात आल्या आहेत. सोनूनं शेअर केलेल्या व्हिडिओमध्ये तो या दुकानाची माहिती देताना दिसत आहे. दुकानाची माहिती देता असताना तो आलेल्या ग्राहकांना उसाचा रस स्वत: बनवून देताना दिसतोय.

हेही वाचा: 'जय भीम' फेम सूर्या वादाच्या भोवऱ्यात; न्यायालयाकडून गुन्हा दाखल करण्याचे आदेश

व्हिडिओत सोनूची मजेशीर कॉमेंट्रीही पाहायला मिळतेय. लोकही त्याच्या आजबाजूला गर्दी करताना दिसत आहेत. सोनू सूद तिथं उपस्थित लोकांना उसाचा रस बनवायलाही शिकवत आहे. व्हिडिओमध्ये सोनू म्हणतो, 'हे आहे साईकृष्णा दुकान, हे एखाद्या शोरूमसारखं आहे. इथं चहा पण मिळतो.' पुढं सोनू आलेल्या ग्राहकांना 'तुम्हाला काय पाहिजे?', असं विचारतो. त्यानंतर ते ग्राहक सोनूकडं उसाचा रस मागतात. नंतर सोनू स्वत:च्या हातानं उसाच्या रसाची मशीन सुरू करतो आणि रस तयार करायला सुरूवात करतो. या व्हिडिओला कमेंट करून अनेक नेटकऱ्यांनी त्याचं कौतुक केलंय.

हेही वाचा: संभाजी भिडेंवर कारवाई झालीच पाहिजे; काय म्हणाले रामदास आठवले?

सोनू सूदनं हा व्हिडिओ शेअर केला असून कॅप्शनमध्ये त्यानं लिहिलंय, कोणाला उसाचा रस हवाय? एका ग्लासवर एक ग्लास रस फ्री. #supportsmallbusiness #shirdi.असं लिहित सोनूनं छोट्या व्यवसायांना पाठिंबा देण्याचं आवाहन केलंय. 'फतेह' आणि 'पृथ्वीराज' हे आगामी चित्रपट प्रेक्षकांच्या भेटीस येणार आहेत. 2002 मध्ये प्रदर्शित झालेल्या शहीद या चित्रपटामधून सोनूनं अभिनय क्षेत्रात पदार्पण केलंय.

Web Title: Shirdi Actor Sonu Sood Gave Sugarcane Juice To The Roadside Supported The Small Business

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top