Shyamchi Aai Teaser: दिवाळीत उलगडणार संस्कारांची पानं! श्यामची आई सिनेमाचा पहिला टीझर भेटीला

Shyamchi Aai Teaser News: गेल्या अनेक दिवसांपासून श्यामची आई या मराठी सिनेमाबद्दल सर्वांना उत्सुकता होती. अखेर श्यामची आई सिनेमाची पहिली झलक अर्थात सिनेमाचा पहिला टीझर भेटीला आलाय.

श्यामची आई सिनेमाच्या टीझर ब्लॅक अँड व्हाईट मध्ये असून श्यामची आईच्या टीझरने सर्वांचं लक्ष वेधलंय. जाणून घेऊया.

(shyamchi aai movie teaser out now)

तुम्हाला कृष्णधवल चित्रपटांच्या गोल्डन एरात खोडकर श्याम आणि त्याची मायेनं शिस्त लावणारी आई दिसतेय. चित्रपटाचा टीजर पहिलात तर अनेक वर्षांपूर्वीचा काळ डोळ्यासमोर तंतोतंत उभा करतोय. चित्रपटातील कलाकारांचे लूक्स, सेट, संवाद ते अगदी संगीत अशा साऱ्या गोष्टींना गोल्डन टच दिलेला पदोपदी जाणवतोय.

राष्ट्रीय पुरस्कार विजेता दिग्दर्शक सुजय सुनील डहाके दिग्दर्शित 'श्यामची आई' या चित्रपटाच्या टीझरने सिनेमाविषयीची उत्सुकता आणखीन चाळवली गेलीय.

'श्यामची आई' या चित्रपटात ओम भूतकर यांनी साने गुरुजींची मध्यवर्ती भूमिका साकारली आहे तर सोबत गौरी देशपांडे, बाल कलाकार शर्व गाडगीळ,संदीप पाठक, ज्योती चांदेकर,

सारंग साठ्ये,उर्मिला जगताप,अक्षया गुरव, दिशा काटकर,मयूर मोरे ,गंधार जोशी , अनिकेत सागवेकर ही मोठी स्टारकास्ट पहायला मिळणार आहे.

बहुचर्चित 'श्यामची आई' या चित्रपटाची निर्मिती अमृता अरुण राव यांची आहे तर सुपरहिट 'पावनखिंड' चित्रपटाचे निर्माते भाऊसाहेब , अजय , अनिरुद्ध आरेकर , आकाश पेंढारकर , आणि विक्रम धाकतोडे हे प्रस्तुतकर्ता आहेत.

साने गुरुजी यांच्या कादंबरीवर आधारित 'श्यामची आई' या चित्रपटाची संहिता प्रसिद्ध लेखक -दिग्दर्शक सुनील सुकथनकर यांची आहे. १० नोव्हेंबर २०२३ ला श्यामची आई सिनेमाचा कृष्णधवल ऐतिहासिक अनुभव प्रेक्षकांना घेता येईल.